ପାରାଦ୍ବୀପ: ପାରାଦ୍ବୀପ ବନ୍ଦରାଞ୍ଚଳରେ ଜଣେ ଆଶାକର୍ମୀଙ୍କୁ (Asha worker gang raped in Paradip) ଅପହରଣ କରି କାର୍ ଭିତରେ ଗଣଦୁଷ୍କର୍ମ ଅଭିଯୋଗ । ସ୍ଥାନୀୟ ନେହେରୁବଙ୍ଗଳା ଅଞ୍ଚଳରେ ଘଟିଛି ଏହି ଲୋମଟାଙ୍କୁରା ଘଟଣା । ନିଛାଟିଆ ରାସ୍ତାରେ ଜଣେ ମହିଳାଙ୍କୁ ଏକୁଟିଆ ପାଇ ନିକଟ ଜଙ୍ଗଲକୁ ନେଇ ୪ ଜଣ ଯୁବକ ଦୁର୍ଷ୍କର୍ମ ଓ ପରେ ଫିଙ୍ଗିଦେଇଥିବା ଭଳି ଜଘନ୍ୟ ଘଟଣା ଜଣାପଡିବାପରେ ସାରା ଜିଲ୍ଲାରେ ଚର୍ଚ୍ଚାର ବିଷୟ ପାଲଟିଛି । ଏନେଇ ପୀଡିତା ମହିଳା ପାରାଦ୍ବୀପ ଆଦର୍ଶ ଥାନାରେ ଅଭିଯୋଗ କରିଛନ୍ତି । ଅଭିଯୋଗ ଆଧାରରେ ପୋଲିସ ଜଣେ ଅଭିଯୁକ୍ତକୁ ଅଟକ ରଖିବା ସହ ଡଗ ସ୍କ୍ବାର୍ଡ (Dog Squad) ସହାୟତାରେ ଅନ୍ୟ ୩ ଅଭିଯୁକ୍ତଙ୍କୁ ଧକିବାକୁ ବିଭିନ୍ନ ସ୍ଥାନରେ ଚଢାଉ ଜାରି ରଖିଛି ।
ସୂଚନା ଅନୁସାରେ, ପୀଡ଼ିତା ଜଣକ ଗତକାଲି(ଶୁକ୍ରବାର) ପାରାଦ୍ଵୀପ ନୂଆବଜାରରୁ ନିଜର କାମ ସାରି ସାଇକେଲରେ ଫେରୁଥିବାବେଳେ ଘଟିଛି ଏହି ଘଟଣା । ୪ ଜଣ ଯୁବକ ଏକ ନାଲି ରଙ୍ଗର କାରରେ ଆସି ତାଙ୍କୁ ଅପହରଣ କରିନେଇଥିଲେ । ସେମାନେ ତାଙ୍କୁ ନେହେରୁବଙ୍ଗଳା ନିକଟସ୍ଥ ଏକ ଜଙ୍ଗଲକୁ ନେଇ ଦୁଷ୍କର୍ମ କରିଥିବା ପୀଡ଼ିତା ଅଭିଯୋଗ କରିଛନ୍ତି । ସେମାନଙ୍କ ମଧ୍ୟରୁ ଜଣେ ଯୁବକ ତାଙ୍କୁ ବଳାତ୍କାର କରିଥିବାବେଳେ, ଅନ୍ୟ ୩ଜଣ ତାଙ୍କୁ ଶାରୀରିକ ନିର୍ଯାତନା ଦେଇଥିବା ନେଇ ସେ ଏତଲାରେ ଦର୍ଶାଇଛନ୍ତି ।