ଜଗତସିଂହପୁର: ଏରସମା ବ୍ଲକ ଅନ୍ତର୍ଗତ ଢ଼ିଙ୍କିଆରେ ପ୍ରସ୍ତାବିତ JSW କୁ ବିରୋଧ କରୁଥିବା ଗ୍ରାମବାସୀମାନଙ୍କ ସପକ୍ଷରେ ବାହାରିଲେ ପଡ଼ୋଶୀ ରାଜ୍ୟର ବିଭିନ୍ନ ସଂଗଠନ । କମ୍ପାନୀକୁ ପ୍ରଶାସନ ଅହେତୁକ ଅନୁକମ୍ପା ଦେଖାଇବା ସହ ବିରୋଧୀଙ୍କୁ ଦମନ ପାଇଁ ପୋଲିସକୁ ବ୍ୟବହାର କରାଯାଉଥିବା ଅଭିଯୋଗ ହୋଇଛି ।
JSW Project: ଗ୍ରାମବାସୀଙ୍କ ସପକ୍ଷରେ ବାହାରିଲେ ପଡୋଶୀ ରାଜ୍ୟ ସଂଗଠନ
ପଶ୍ଚିମବଙ୍ଗର ସାମାଜିକ ସଂଗଠନ ଆସୋସିଏସନ ଅଫ ଡେମୋକ୍ରାଟିକ ପ୍ରୋଟେକ୍ସନ ଓ ଆନ୍ଧ୍ର ପ୍ରଦେଶର ଏକ ସଂଗଠନ, ସିଭିଲ ଲିବ୍ରୋଟିସ କମିଟି ଏହି ଅଭିଯୋଗ କରିଥିବା ଜଣାପଡିଛି । ଏହି ଦୁଇଟି ସଂଗଠନର କର୍ମକର୍ତ୍ତାମାନେ ଢ଼ିଙ୍କିଆରେ ପହଞ୍ଚି ସ୍ଥାନୀୟ ଲୋକଙ୍କ ସହ ଆଲୋଚନା କରିଛନ୍ତି । ଦୁଇ ସଂଗଠନ ପକ୍ଷରୁ କୁହାଯାଇଛି ଯେ, ଗତ 14 ତାରିଖରେ ପୋଲିସର ଲାଠିମାଡ଼ ପରେ ବର୍ତ୍ତମାନ ସୁଦ୍ଧା ମଧ୍ୟ ସ୍ଥାନୀୟ ଅଞ୍ଚଳରେ ସ୍ୱାଭାବିକ ସ୍ଥିତି ଫେରିପାରି ନାହିଁ ।