ଜଗତସିଂହପୁର: ଜିଲ୍ଲାର ସଦର ଥାନା ଚାରି ପୋଲିଆ ନିକଟରେ ଥିବା ନିଶା ନିବାରଣ କେନ୍ଦ୍ର 'ଚେଷ୍ଟା' ନାମରେ ଆସିଛି ନିର୍ଯାତନା ଭଳି ସଙ୍ଗୀନ ଅଭିଯୋଗ । ନିଶା ନିବାରଣ ନାମରେ ଅନ୍ତେବାସୀଙ୍କୁ ଲୁହା ରଡ ତତାଇ ଚେଙ୍କ ଦେଉଥିବା ଅଭିଯୋଗ ହୋଇଛି । ପୋଲିସ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛି ।
ନିଶା ନିବାରଣ କେନ୍ଦ୍ରରେ ଅନ୍ତେବାସୀଙ୍କୁ ଚେଙ୍କ ଅଭିଯୋଗ
ଅଭିଯୋଗ ଆସିବା ପରେ ଏହି ନିଶା ନିବାରଣ କେନ୍ଦ୍ରର ମୁଖ୍ୟ ଫେରାର ହୋଇ ଯାଇଥିବା ଖବର ମିଳିଛି। ପୋଲିସ ମାମଲା ରୁଜୁ କରି ତଦନ୍ତ ଆରମ୍ଭ କରିଛି। ମିଳିଥିବା ସୂଚନା ଅନୁସାରେ ଚାରିପୋଲିଆ ନିକଟରେ ଥିବା ଚେଷ୍ଟା ନାମକ ଏକ ନିଶା ନିବାରଣ କେନ୍ଦ୍ରରେ ଦୀର୍ଘ ଦିନ ଧରି ସେଠାରେ ରହୁଥିବା ଅନ୍ତେବାସୀଙ୍କୁ ଶାରୀରିକ ନିର୍ଯାତନା ଦିଆଯାଉଥିବା ଅଭିଯୋଗ ହୋଇଥିଲା। ଗତ ରବିବାର ଦିନ ସଦର ଥାନା ଅନ୍ତର୍ଗତ ଲାଲା ସାହି ଅଞ୍ଚଳର ଏସ କେ ଜାବର ନାମକ ଜଣେ ଅନ୍ତେବାସୀଙ୍କୁ ଶାରୀରିକ ନିର୍ଯାତନା ଦେବା ସମୟରେ ତାଙ୍କର ମୃତ୍ୟୁ ହୋଇ ଯାଇଥିବା ପରିବାର ଲୋକେ ଅଭିଯୋଗ କରିଥିଲେ।