ଜଗତସିଂହପୁର: ଜିଲ୍ଲାର ବାଲିକୁଦା ତହସିଲ ଅନ୍ତର୍ଗତ କୁସୁପୁର, ଅନନ୍ତ ପୁର, ବର ମୁଣ୍ଡଳୀ, ନହରଣା, ମରିଚ ପୁର ଓ ରାହାଣ ପଞ୍ଚାୟତର ଶତାଧିକ ଲୋକ ସମୁଦ୍ର ଉପକୂଳରେ ଥିବା ଜଙ୍ଗଲ କିସମ ଜମିକୁ ଜବରଦଖଲ କରି ଚଳାଇଥିବା ଚିଙ୍ଗୁଡ଼ି ଘେରିକୁ ଜିଲ୍ଲା ପ୍ରଶାସନ ଆଜି(ବୁଧବାର) ଭାଙ୍ଗିବାକୁ ଯାଇଥିବାବେଳେ ସ୍ଥାନୀୟ ଲୋକଙ୍କ ବିରୋଧ ଯୋଗୁଁ ପଛକୁ ଫେରିଛି ପ୍ରଶାସନ। ଆଜି ସ୍ଥାନୀୟ ତହସିଲଦାର ଓ ସଶସ୍ତ୍ର ପୋଲିସ ବାହିନୀ ପ୍ରଥମେ କୁସୁପୁର ଯାଇ ସେଠାରେ ଥିବା ଚିଙ୍ଗୁଡ଼ି ଘେରି କରିଥିବା ଲୋକଙ୍କ ସହ ଆଲୋଚନା କରିଥିଲେ। ସେମାନଙ୍କ କହିବା କଥା ବାପ ଅଜା ଅମଳରୁ ସେମାନେ ସରକାରୀ ଜମିରେ ଚଳି ଆସୁଛନ୍ତି। ପ୍ରତିବର୍ଷ ହଜାର ହଜାର ଟଙ୍କା ଖଞ୍ଜଣା ଦେଉଛନ୍ତି। 15 ଦିନ ତଳେ ଲକ୍ଷ ଲକ୍ଷ ଟଙ୍କାର ଚିଙ୍ଗୁଡ଼ି ଜାଆଁଳ ଛଡ଼ିଛନ୍ତି।
ବିରୋଧ ପରେ ଚିଙ୍ଗୁଡ଼ି ଘେରି ଉଚ୍ଛେଦ ପ୍ରକ୍ରିୟାରୁ ଓହରିଲା ପ୍ରଶାସନ