ଜଗତସିଂହପୁର: ବଦଳି ହେଲେ ମାତାଲ IIC ବାବୁ । ନିଶାସକ୍ତ ଅବସ୍ଥାରେ ସାମ୍ବାଦିକ ଓ ସାଧାରଣ ଲୋକଙ୍କୁ ଗାଳି ଗୁଲଜ କରିବା ସହ ମାଡ ମାରିବା ଅଭିଯୋଗରେ ପୋଲିସ ବାବୁଙ୍କୁ ଅନ୍ୟତ୍ର ବଦଳି କରାଯାଇଛି । ସମ୍ପୃକ୍ତ IIC ଜଗତସିଂହପୁର ବାଲିକୁଦ ବ୍ଲକ ବନ୍ଦର ମେରାଇନ ଥାନାରେ କାର୍ଯ୍ୟରତ ଅଜୟ କୁମାର ମୁଦୁଲି । ତାଙ୍କୁ ଜିଲ୍ଲା ପୋଲିସ ମୁଖ୍ୟାଳୟକୁ ବଦଳି କରାଯାଇଛି ।
ଅଭିଯୋଗ ଅନୁଯାୟୀ, ବାଲିକୁଦା ବନ୍ଦର ଥାନା ଅଧିକାରୀ ଅଜୟ ମୁଦୁଲି ନିଶାସକ୍ତ ଅବସ୍ଥାରେ ସାଧାରଣ ଲୋକଙ୍କୁ ଗାଳି ଗୁଳଜ କରିଥିଲେ । ଖବର ପାଇ ଜଣେ ସାମ୍ବାଦିକ ଫଟୋ ଉତ୍ତୋଳନ କରିବାକୁ ଉଦ୍ୟମ କରିଥିଲେ । ଏହି ସମୟରେ ଥାନା ଅଧିକାରୀ ଜଣଙ୍କ ତାଙ୍କୁ ମାଡ଼ ମାରିଥିଲେ । ଯାହାର ଭିଡିଓ ସୋସିଆଲ ମିଡିଆରେ ଭାଇରାଲ ହୋଇଥିଲା । ଆଜି ଏହି ଘଟଣା ସାମ୍ନାକୁ ଆସିବା ପରେ ଜଗତସିଂହପୁର ଆରକ୍ଷୀ ଅଧିକ୍ଷକ ଅଖିଳେଶ୍ୱର ସିଂ ସମ୍ପୃକ୍ତ ତାଙ୍କୁ ଜିଲ୍ଲା ପୋଲିସ ମୁଖ୍ୟାଳୟକୁ ବଦଳି କରିଛନ୍ତି । ତେବେ ଶୃଙ୍ଖଳାଗତ କାର୍ଯ୍ୟାନୁଷ୍ଠାନ ପାଇଁ ପୋଲିସ ମହାନିର୍ଦ୍ଦେଶକଙ୍କୁ ଅବଗତ କରାଯାଇଥିବା ସୂଚନା ମିଳିଛି ।
ଜଗତସିଂହପୁରରୁ ସୁଶାନ୍ତ କୁମାର ପାତ୍ର, ଇଟିିଭି ଭାରତ
