ଜଗତସିଂହପୁର: ଜିଲ୍ଲାର ତିର୍ତ୍ତୋଲ ଥାନା ଅନ୍ତର୍ଗତ ସାଇଲୋ ପଞ୍ଚାୟତ ବାଲିସାହି ଗ୍ରାମରେ ପୋଲିସକୁ ମାଡ ମାରିବା ଘଟଣା । ତିର୍ତ୍ତୋଲ ଥାନା ପୋଲିସ ଶୁକ୍ରବାର ଅଭିଯୁକ୍ତ ରମେଶ ବରାଳକୁ ଗିରଫ କରିଛି । ଅଭିଯୁକ୍ତ ନାମରେ ପୂର୍ବରୁ ଏକାଧିକ ଥାନାରେ ମାମଲା ଥିବା ସୂଚନା ମିଳିଛି ।
ପୋଲିସକୁ ମାଡ଼ ମାରିବା ଘଟଣା, ଅଭିଯୁକ୍ତ ଗିରଫ
ଗତକାଲି(ଗୁରୁବାର) ଏକ ଚୋରି ଘଟଣାରେ ତିର୍ତ୍ତୋଲ ଥାନାର ଜଣେ ମହିଳା SIଙ୍କ ସମେତ 2 ପୋଲିସ କର୍ମଚାରୀ ତଦନ୍ତ ପାଇଁ ସନ୍ଧାନୀ କୁକୁର ସହ ସାଇଲୋ ଗ୍ରାମରେ ପହଞ୍ଚିଥିଲେ। ସନ୍ଧାନୀ କୁକୁର ସେହି ଗ୍ରାମର ରମେଶ ବରାଳ ନାମକ ଯୁବକଙ୍କ ଘରକୁ ଇସାରା ଦେଇଥିଲା । ପୂର୍ବରୁ ରମେଶ ନାମରେ 5ଟି ଚୋରି ମାମଲା ରହିଥିବାରୁ ପୋଲିସର ସନ୍ଦେହ ବଢିଯାଇଥିଲା । ପୋଲିସ ରମେଶର ଦ୍ବାରରେ ଡାକିବା ସମୟରେ ଅଭିଯୁକ୍ତ ରମେଶ ଗାଁ ଦାଣ୍ଡରେ ପୋଲିସ କର୍ମଚାରୀଙ୍କୁ ଗୋଡ଼ାଇ ଗୋଡ଼ାଇ ନିର୍ଘାତ ମାଡ଼ ମାରିଥିଲା ।