ଜଗତସିଂହପୁର:ପାରାଦ୍ବୀପରେ ଭୟଙ୍କର ସଡକ ଦୁର୍ଘଟଣା । ବାଇକକୁ ଟ୍ରକ ଧକ୍କା ଦେବାରୁ ଘଟଣାସ୍ଥଳରେ ବାଇକ ଆରୋହୀଙ୍କ ମୃତ୍ୟୁ । ମୃତକ ଜଣଙ୍କ ହେଉଛନ୍ତି କେନ୍ଦ୍ରାପଡାର ଏସ କେ ଅବିଦ ଅଲି । ଦୁର୍ଘଟଣାପରେ ମୃତକଙ୍କ ଶରୀରରୁ ମୁଣ୍ଡଟି ଅଲଗା ହୋଇଯାଇଥିବା ଦେଖିବାକୁ ମିଳିଛି । ସେ ବଡ଼ ପଡିଆ ନିକଟରେ ଏକ ଦୋକାନ କରି ପରିବାର ଭରଣ ପୋଷଣକରନ୍ତି ।
ପାରାଦ୍ୱୀପରେ ବଢୁଛି ଦୁର୍ଘଟଣା, ଟ୍ରକ ଧକ୍କାରେ ବାଇକ ଆରୋହି ମୃତ
ଆଜି ସକାଳୁ ଦୋକାନ ଖୋଲିବାକୁ ଯିବା ସମୟରେ ହଠାତ ଏକ ଟ୍ରକ ତାଙ୍କୁ ଧକ୍କା ଦେଇଥିଲା। ଫଳରେ ଘଟଣାସ୍ଥଳରେ ତାଙ୍କର ମୃତ୍ୟୁ ହୋଇଥିଲା । ଏନେଇ ଖବର ପାଇ ଘଟଣାସ୍ଥଳରେ ପୋଲିସ ପହଞ୍ଚି ମୃତଦେହ ଜବତ କରି ତଦନ୍ତ ଆରମ୍ଭ କରିଛି । ଏହି ଘଟଣାକୁ ନେଇ ସ୍ଥାନୀୟ ଅଞ୍ଚଳରେ ଉତ୍ତେଜନା ପ୍ରକାଶ ପାଇଛି ।