ଜଗତସିଂହପୁର: ବାଲିକୁଦା ବ୍ଲକ ବ୍ରହ୍ମପୁର ଗାଁରେ ଏକ ଦୁଃଖଦ ଘଟଣା ଘଟି ଯାଇଛି । ପୋଖରୀରେ ବୁଡ଼ି ଏକ ୭ ବର୍ଷ ଶିଶୁର ମୃତ୍ୟୁ ହୋଇଛି । ଶିଶୁ ଜଣକ ବ୍ରହ୍ମପୁର ଗାଁ'ର ଦୀପକ ପରିଡ଼ାଙ୍କ ୭ବର୍ଷର ପୁଅ ସାଇ ପରିଡ଼ା ବୋଲି ଜଣାପଡ଼ିଛି । ଖେଳୁଖେଳୁ ଶିଶୁଟି ପୋଖରୀରେ ଖସି ପଡ଼ିଯାଇଥିଲା । ପରିବାର ଲୋକେ ବହୁ ଖୋଜାଖୋଜି ପରେ ପୋଖରୀରୁ ଶିଶୁପୁତ୍ରକୁ ଉଦ୍ଧାର କରିଥିଲେ ।
ପୋଖରୀରେ ବୁଡ଼ି ଚାଲିଗଲା ନିଷ୍ପାପ ଶିଶୁର ଜୀବନ
ପରେ ସାଇକୁ ଜଗତସିଂହପୁର ମୁଖ୍ୟ ଡାକ୍ତରଖାନାକୁ ନିଆଯାଇଥିବାବେଳେ ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ । ମୃତ ଶିଶୁପୁତ୍ରର ଦୁଇ ଗୋଡ଼ର ଆଙ୍ଗୁଳି ଓ ହାତର ଆଙ୍ଗୁଳି ଗୁଡ଼ିକ କ୍ଷତବିକ୍ଷତ ହୋଇଥିବା ଦେଖିବାକୁ ମିଳିଛି । ପୋଖରୀରେ ଥିବା ମାଛ ଶିଶୁର ଆଙ୍ଗୁଳି ଗୁଡ଼ିକୁ କାମୁଡ଼ି କ୍ଷତାକ୍ତ କରିଥିବାର ସନ୍ଦେହ କରାଯାଉଛି ।