ଜଗତସିଂହପୁର: ଜିଲ୍ଲାରେ ସୋମବାର ପୁଣି 51 ଜଣ କୋରୋନା ଆକ୍ରାନ୍ତ ଚିହ୍ନଟ ହୋଇଛନ୍ତି। ସେମାନଙ୍କ ମଧ୍ୟରୁ ବାଲିକୁଦାରୁ 4, ବିରିଡିରୁ 3, ଏରସମାରୁ 4, ଜଗତସିଂହପୁର ସଦରରୁ 3, ଜଗତସିଂହପୁର ସହରରୁ 5, କୁଜଙ୍ଗରୁ 6, ନାଉଗାଁରୁ 1, ତିର୍ତ୍ତୋଲରୁ 9 ଓ ପାରାଦ୍ୱୀପରୁ ସର୍ବାଧିକ 16 ଜଣଙ୍କୁ ଚିହ୍ନଟ କରାଯାଇଛି ।
ତେବେ ପାରାଦ୍ୱୀପରେ ଜଣେ ପଜିଟିଭଙ୍କ ସଂସ୍ପର୍ଶରେ ଆସି ଛଅ ଜଣ ଆକ୍ରାନ୍ତ ହୋଇଥିବା ପ୍ରଶାସନ ପକ୍ଷରୁ କୁହାଯାଇଛି। ଯାହାକୁ ନେଇ ପାରାଦ୍ୱୀପ ଅଞ୍ଚଳରେ ଗୋଷ୍ଠୀ ସଂକ୍ରମଣ ହେବାର ଆଶଙ୍କା କରାଯାଉଛି। ସେଠାରେ ଥିବା ସ୍ଥାନୀୟ ବାସିନ୍ଦାଙ୍କୁ ତୁରନ୍ତ ସ୍ୱାବ ଓ ଆଣ୍ଟିଜେନ ପରୀକ୍ଷା କରାଇ ନେବାକୁ ଜିଲା ସ୍ୱାସ୍ଥ୍ୟ ବିଭାଗ ପକ୍ଷରୁ ନିବେଦନ କରାଯାଇଛି ।
ଜଗତସିଂହପୁରରେ କାୟା ମେଲାଉଛି କୋରୋନା, ସୋମବାର 51 ପଜିଟିଭ ଚିହ୍ନଟ