ଜଗତସିଂହପୁର: ଜିଲ୍ଲାରେ ପୁଣି 16 କୋରୋନା ପଜିଟିଭ ଚିହ୍ନଟ। ତେବେ ଆଳିପିଙ୍ଗଳ ସବଜେଲ ଏବେ ଚିନ୍ତା ବଢାଇଛି। ଆଜି ଜେଲ ମଧ୍ୟରୁ 2 ଜଣଙ୍କ ସ୍ବାବ ନମୂନା ପଜିଟିଭ ଆସିବା ପରେ ଅନ୍ୟ କଏଦୀକୁ ନେଇ ଚିନ୍ତା ବଢ଼ିଛି।
ଜଗତସିଂହପୁର ଜିଲ୍ଲାରେ ଆଉ 16 କୋରୋନା ପଜିଟିଭ ଚିହ୍ନଟ
ଜିଲ୍ଲାରେ ଚିହ୍ନଟ ହୋଇଥିବା 16 ପଜିଟିଭି ମଧ୍ୟରୁ ବାଲିକୁଦାରୁ 2, ଜଗତସିଂହପୁରରୁ 3, ନାଉଙ୍ଗାରୁ 6 ପାରାଦ୍ବୀପରୁ 4 ଓ ରଘୁନାଥପୁରରୁ ଜଣଙ୍କୁ ଚିହ୍ନଟ କରାଯାଇଛି । ଆଳିପିଙ୍ଗଳ ସବ ଜେଲ ଜଣେ କଏଦୀ କୋରୋନାରେ ଆକ୍ରାନ୍ତ ହୋଇ ଏବେ କୋଭିଡ ହସ୍ପିଟାଲରେ ଚିକିତ୍ସାଧିନ ଅଛନ୍ତି। ସେହିପରି ପାରାଦ୍ବୀପର ତୈଳ ବିଶୋଧନାଗାର କାମ କରୁଥିବା 4 ଜଣଙ୍କଠାରେ କୋରୋନା ପଜିଟିଭ ଥିବା ଦେଖାଯାଇଛି। ଏମାନେ ସମସ୍ତେ କୋରୋନା ଆକ୍ରାନ୍ତଙ୍କ ସଂସ୍ପର୍ଶରେ ଆସି ସଂଘରୋଧ କେନ୍ଦ୍ର ରେ ଥିଲେ ତେବେ ସେମାନଙ୍କ ସ୍ବାବ ରିପୋର୍ଟ ପଜିଟିଭ ଆସିଥିବା ଜିଲ୍ଲା ପ୍ରଶାସନ ପକ୍ଷରୁ କୁହାଯାଇଛି।