ଜଗତସିଂହପୁର: ଜିଲ୍ଲାରେ ପୁଣି 101 କୋରୋନା ପଜିଟିଭ ଚିହ୍ନଟ ହୋଇଛନ୍ତି । ଏ ନେଇ ଜିଲ୍ଲା ପ୍ରଶାସନ ପକ୍ଷରୁ ସୂଚନା ଦିଆଯାଇଛି । ଜିଲ୍ଲାରେ କ୍ରମାଗତ ସଂକ୍ରମଣ ବୃଦ୍ଧି ପାଇବାରେ ଲାଗିଛି ।
ଜଗତସିଂହପୁର ଜିଲ୍ଲାରେ ସଂକ୍ରମଣ ବୃଦ୍ଧି ସର୍ବାଧିକ 101 କୋରୋନା ପଜିଟିଭ ଚିହ୍ନଟ
ଜିଲ୍ଲାରେ ମଙ୍ଗଳବାର ସର୍ବାଧିକ 101 କୋରୋନା ଆକ୍ରାନ୍ତ ଚିହ୍ନଟ ହୋଇଛନ୍ତି। ପାରାଦ୍ବୀପରୁ 57 ଜଣ ଚିହ୍ନଟ ହୋଇ ଥିବା ବେଳେ ସେମାନଙ୍କ ମଧ୍ୟରୁ ପ୍ରସ୍ତାବିତ ଜେଏସଡବ୍ଲ୍ୟୁ ର 14 ଜଣ ,ପିପିଏଲ କାରଖାନାରୁ 3, ଓ ସେମାନଙ୍କ ସଂସ୍ପର୍ଶରେ ଆସିଥିବା 4 ଜଣଙ୍କ ଠାରେ କୋରୋନା ପଜିଟିଭ ଚିହ୍ନଟ କରାଯାଇଛି। ସେହିପରି ବାଲିକୁଦାରୁ 2, ଏରସମା ରୁ 3, କୁଜଙ୍ଗରୁ 33, ଜଗତସିଂହପୁର ସହରରୁ 3, ରଘୁନାଥପୁରରୁ 1 ଓ ତିର୍ତ୍ତୋଲରୁ 2 ଜଣ ଚିହ୍ନଟ ହୋଇଛନ୍ତି। ଜିଲ୍ଲାରେ ଚଳିତ ମାସର ସର୍ବାଧିକ କୋରୋନା ଆକ୍ରାନ୍ତ ଚିହ୍ନଟ କରାଯାଇଛି। ଜିଲ୍ଲାରେ ଅଧିକରୁ ଅଧିକ ଲୋକଙ୍କ କୋରୋନ ଟେଷ୍ଟ କରାଯାଉ ଥିବାରୁ ଅଧିକ ସଂଖ୍ୟକ ସଂକ୍ରମିତଙ୍କୁ ଚିହ୍ନଟ ହେଉଛନ୍ତି ।