ବ୍ରହ୍ମପୁର: ଗଞ୍ଜାମ ଆରକ୍ଷୀ ଅଧିକ୍ଷକଙ୍କ କାର୍ଯ୍ୟାଳୟ ସମ୍ମୁଖରେ ଯୁବକର ଆତ୍ମାହୁତି ଉଦ୍ୟମ । ଆଜି (ଶନିବାର) ସନ୍ଧ୍ୟା ସମୟରେ ହଠାତ୍ ଗଞ୍ଜାମ ଆରକ୍ଷୀ ଅଧିକ୍ଷକଙ୍କ କାର୍ଯ୍ୟାଳୟ ସମ୍ମୁଖରେ ବାଦଲ ସାହୁ ନାମକ ଜଣେ ଯୁବକ ପୋଡି ହୋଇ ଆତ୍ମାହୁତି ଉଦ୍ୟମ କରିଥିବା ଜଣାପଡ଼ିଛି ।
ଆତ୍ମାହୁତି ଉଦ୍ୟମ କରିଥିବା ଯୁବକ ଜଣକ ବୋରିଗାଁ ଅଞ୍ଚଳର ବାଦଲ ସାହୁ ବୋଲି ଜଣାପଡିଥିବା ବେଳେ ସେ କିପରି ଏବଂ କେଉଁ ପରିସ୍ଥିତିରେ ଏଭଳି କଲେ ତାହା ଜଣାପଡ଼ିନାହିଁ । ଯୁବକ ଜଣକ ସାଙ୍ଗରେ ନେଇ ଆଣିଥିବା ପେଟ୍ରୋଲ ନିଜ ଶରୀରରେ ଢାଳିବା ସହ ନିଆଁ ଲଗାଇ ଦେଇଥିବା କୁହାଯାଇଛି । ଗୁରୁତର ଅବସ୍ଥାରେ ଯୁବକଙ୍କୁ ପୋଲିସ କର୍ମଚାରୀ ମାନେ ନିଆଁ ଲିଭାଇ ଉଦ୍ଧାର କରିବା ପରେ ପ୍ରଥମେ ଛତ୍ରପୁର ସରକାରୀ ଉପଖଣ୍ଡ ଚିକିତ୍ସାଳୟ ଏବଂ ପରେ ବ୍ରହ୍ମପୁର MKCGକୁ ସ୍ଥାନାନ୍ତରିତ କରାଯାଇଛି । ଯୁବକ ଜଣକ ଗ୍ରାମରେ ଏକ ଘରକିଆ କରାଯାଇଥିବା ଯୋଗୁଁ ଏହାକୁ ନେଇ ଏକ ପ୍ରକାର ମାନସିକ ଚାପରେ ରହିବା ପରେ ସେ ଏପରି କରିଥିବା କୁହାଯାଉଛି ।
ବ୍ରହ୍ମପୁରରୁ ସମୀର ଆଚାର୍ଯ୍ୟ, ଇଟିଭି ଭାରତ
