ଭଞ୍ଜନଗର: ପାହାଡରେ ନିଆଁ ଲଗାଉଥିବା ଅଭିଯୋଗ କରି ଆଦିବାସୀ ସମ୍ପ୍ରଦାୟଙ୍କୁ ସ୍ଥାନ ଛାଡି ଚାଲିଯିବାକୁ ତାଗିଦ କଲେ ଗ୍ରାମବାସୀ । ଏପରି ଘଟଣା ଦେଖିବାକୁ ମିଳିଛି ଗଞ୍ଜାମ ଜିଲ୍ଲା ଧରାକୋଟ ବ୍ଲକ ବରୀଗୁଡା ଗାଁରେ । ଗ୍ରାମ ନିକଟ ପାହାଡ଼ରେ ଆଦିବାସୀ ମାନେ ବାରଣ ସତ୍ତ୍ବେ ବାରମ୍ବାର ନିଆଁ ଲଗାଉଥିବା ଅଭିଯୋଗ କରି ଏପରି ନିଷ୍ପତ୍ତି ନେଇଥିବା ଗ୍ରାମବାସୀ ଅଭିଯୋଗ କରିଛନ୍ତି ।
ପାହଡରେ ନିଆଁ ଲାଗାଉଥିବା ଅଭିଯୋଗ କରି ଗାଁ ଛାଡି ଚାଲିଯିବାକୁ ଆଦିବାସୀଙ୍କୁ ଗ୍ରାମବାସୀଙ୍କ ଚେତାବନୀ
ଘଟଣାକ୍ରମ ଅନୁସାରେ ଏକ ବର୍ଷ ହେବ ସାଆବା ଅଞ୍ଚଳରୁ 5 ରୁ 6 ଟି ଆଦିବାସୀ ପରିବାର ଆସି ଉକ୍ତ ସ୍ଥାନରେ ବସବାସ କରି ଆସୁଛନ୍ତି ।ସେମାନଙ୍କୁ ଏବେ ଉକ୍ତ ସ୍ଥାନ ଛାଡି ଚାଲିଯିବା ପାଇଁ ବରୀଗୁଡା ଗ୍ରାମବାସୀ କହିଛନ୍ତି । ବାରମ୍ବାର ବାରଣ କରିବା ସତ୍ତ୍ବେ ମଧ୍ୟ ଜଙ୍ଗଲରେ ନିଆଁ ଲଗାଇ ଧ୍ବଂସ କରିଦେଲେଣି । ତେଣୁ ସେମାନେ ବସବାସ କରୁଥିବା ସେ ସ୍ଥାନ ତୁରନ୍ତ ଛାଡି ଚାଲି ଯିବା ପାଇଁ ସେମାନଙ୍କୁ କୁହାଯାଇଥିବା ଗ୍ରାମବାସୀ କହିଛନ୍ତି ।