ଭଞ୍ଜନଗର: ଗଞ୍ଜାମ ଜିଲ୍ଲା ଭଞ୍ଜନଗର ବ୍ଲକ ତିଳିସିଙ୍ଗି ପଞ୍ଚାୟତ ଉଲୁଦନ ଗ୍ରାମରେ ବାପା ମାଙ୍କ ମୃତ୍ୟୁ ପରେ ଅସହାୟ ହୋଇପଡିଛନ୍ତି 2 ଭଉଣୀ । ସାହି ପଡିଶାଙ୍କ ସହାୟତାରେ ଦିନ କାଟୁଥିବା ଏହି ଅନାଥ ଶିଶୁ ସରକାରଙ୍କ ଅପେକ୍ଷାରେ ରହିଛନ୍ତି । ସେପଟେ ସେମାନଙ୍କୁ ସରକାରୀ ସହାୟତା ଯୋଗାଇ ଦେବା ପାଇଁ ଗ୍ରାମବାସୀ ଦାବି କରିଛନ୍ତି ।
ସରକାରୀ ସହାୟତା ଅପେକ୍ଷାରେ ଅନାଥ 2 ଭଉଣୀ
ଦୁଇ ଭଉଣୀ ଶାନ୍ତି ନାୟକ ଓ ଭାରତୀ ନାୟକଙ୍କ ପିତାଙ୍କ ଦୀର୍ଘ ଦିନ ପୂର୍ବରୁ ମୃତ୍ୟୁ ଘଟିଥିବା ବେଳେ ଏବେ କିଛି ଦିନ ହେଲା ମା'ଙ୍କର ମଧ୍ୟ ମୃତ୍ୟୁ ଘଟିଛି । ବାପା ମା ଛେଉଣ୍ଡ ଏହି ଦୁଇ ଭଉଣୀ ଏବେ ଦୟନୀୟ ଅବସ୍ଥାରେ ଦିନ କାଟୁଛନ୍ତି । ଦାରିଦ୍ର୍ୟ ସୀମାରେଖା ତଳେ ଥିବା 2 ଭଉଣୀଙ୍କୁ ମାତ୍ର ମିଳୁଛି ପାଞ୍ଚ କିଲୋ ଚାଉଳ । ସେତିକିରେ ଚଳିବା କଷ୍ଟକର ହୋଇପଡୁଥିବାବେଳେ ସାହି ପଡିଶା ମଧ୍ୟ କିଛିଟା ସହାୟତା ଯୋଗାଉଛନ୍ତି ।