ସାଇକେଲ ଯାତ୍ରାରେ ବାହାରିଥିବା ଟୁର ଡେ କଳିଙ୍ଗ ଟିମକୁ ସମ୍ୱର୍ଦ୍ଧନା
ବ୍ରହ୍ମପୁର: ୧୩୦୦ କିମି ସାଇକେଲ ଯାତ୍ରା ଲକ୍ଷ୍ୟ ନେଇ ବାହାରିଥିବା ଟୁର ଡେ କଳିଙ୍ଗ ଟିମକୁ ସମ୍ବର୍ଦ୍ଧନା ଦିଆଯାଇଛି । ୧୩ ଦିନରେ ୧୩୦୦ କିମି ସାଇକେଲ ଯାତ୍ରା କରିବାର ଲକ୍ଷ୍ୟ ନେଇ ବାହାରିଛି ଟୁର ଡେ କଳିଙ୍ଗ ଟିମ୍ । ବ୍ରହ୍ମପୁରରେ ପହଞ୍ଚିବା ପରେ ଦଳକୁ ସମ୍ବର୍ଦ୍ଧନା ଦିଆଯାଇଛି। ରୁଟସ ଅଫ ଓଡ଼ିଶା ଫାଉଣ୍ଡେସନ ପକ୍ଷରୁ ହାଇ ଫାଇଭ ସୋସିଆଲ ଇନୋଭେସନ, ମିଶନ ଓଡ଼ିଶା ସହଯୋଗରେ ଚଳିତ ମାସ ୧୧ ତାରିଖରୁ ଆରମ୍ଭ ହୋଇଛି ଚତୁର୍ଥ ସଂସ୍କରଣର ଯାତ୍ରା ।
ପର୍ଯ୍ୟଟନସ୍ଥଳୀକୁ ବିଶ୍ବ ସ୍ତରରେ ପରିଚିତ କରିବା ସହ ବିଭିନ୍ନ ସଚେତନତା ବାର୍ତ୍ତା ନେଇ ସାରା ରାଜ୍ୟ ଭ୍ରମଣ ପାଇଁ ବାହାରିଥିବା ଟୁର ଡେ କଳିଙ୍ଗ ସାଇକଲ ଟିମକୁ ବ୍ରହ୍ମପୁର ସହରର ରାଜସ୍ବ ନିରୀକ୍ଷଣ ବଙ୍ଗଳାଠାରେ ଅତିଥି ଭାବେ ବ୍ରହ୍ମପୁର ଆରକ୍ଷୀ ଅଧୀକ୍ଷକ ଶ୍ରବଣ ବିବେକ ଏମଓ ଡ଼ିଏଫଓ ଅମ୍ଲାନ ନାୟକ ଯୋଗ ଦେଇ ଏଭଳି ପ୍ରୟାସକୁ ସ୍ବାଗତ କରିବା ସହ ଟିମକୁ ଶୁଭେଚ୍ଛା ଜଣାଇଛନ୍ତି ।