ସାନଭାଇର ଗୁଳିମାଡ଼ରେ ବଡ ଭାଇ ଗୁରୁତର

ସାମାନ୍ୟ ଘଟଣାକୁ ନେଇ ଦୁଇ ଭାଇଙ୍କ ମଧ୍ୟରେ ବଚସା । ସାନ ଭାଇର ଗୁଳି ମାଡ଼ରେ ବଡ ଭାଇ ଗୁରୁତର ହୋଇ ମେଡିକାଲରେ ଭର୍ତ୍ତି । ଅଧିକ ପଢନ୍ତୁ...

ଭଞ୍ଜନଗର: ଗଞ୍ଜାମ ଜିଲ୍ଲା ତାରସିଙ୍ଗି ଥାନା ସଲପତଇଲା ଗ୍ରାମରେ ଦେଖିବାକୁ ମିଳିଛି ଏକ ଅଭାବନୀୟ ଘଟଣା । ସାନ ଭାଇର ଗୁଳି ମାଡ଼ରେ ବଡ ଭାଇ ଗୁରୁତର । ଗୁରୁତର ଜଣକ ହେଉଛନ୍ତି ନରେନ୍ଦ୍ର ମଳିକ ।

ସୂଚନାନୁଯାୟୀ ଗତକାଲି ରାତି 11ଟା ସମୟରେ କୌଣସି କଥାକୁ କେନ୍ଦ୍ର କରି ଦୁଇ ଭାଇଙ୍କ ମଧ୍ୟରେ ବଚସା ହୋଇଥିଲା । ବଚସା ଏତେ ଉଗ୍ରରୂପ ନେଇଥିଲା ଯେ ଶେଷରେ ସାନ ଭାଇ ରାଗିଯାଇ ଘରେ ଥିବା ଦେଶୀ ବନ୍ଧୁକରୁ ବଡଭାଇ ଉପରକୁ ଗୁଳି ମାଡ଼ କରିଥିଲା । ବଡଭାଇ ଗୁରୁତର ଅବସ୍ଥାରେ ତଳେ ପଡିରହିଥିଲା ।

ସ୍ଥାନୀୟ ଲୋକେ ପୋଲିସକୁ ଖବର ଦେବା ପରେ ଘଟଣା ସ୍ଥଳରେ ପୋଲିସ ପହଁଞ୍ଚି ଗୁରୁତରଙ୍କୁ ଉଦ୍ଧାର କରି ଭଞ୍ଜନଗର ମେଡିକାଲକୁ ପଠାଇଥିଲା । ସେଠାରେ ପ୍ରାଥମିକ ଚିକିତ୍ସା ପରେ ଅବସ୍ଥା ଗୁରୁତର ଥିବାରୁ ଡାକ୍ତର ବ୍ରହ୍ମପୁର ମେଡିକାଲକୁ ସ୍ଥାନାନ୍ତର କରିଥିଲେ । ସେଠାରେ ନରେନ୍ଦ୍ରର ଚିକିତ୍ସା ଜାରି ରହିଥିବା ନେଇ ସୂଚନା ମିଲିଛି । ଗୁଳିମାଡର ପ୍ରକୃତ କାରଣ ଜଣାପଡ଼ିନଥିବା ବେଳେ ତାରାସିଂ ପୋଲିସ ଘଟଣାର ପହଁଞ୍ଚି ତଦନ୍ତ ଚଳାଇଛି ।

ଭଞ୍ଜନଗରରୁ ରଞ୍ଜନ ସ୍ୱାଇଁ, ଇଟିଭି ଭାରତ