ଗଞ୍ଜାମ: କୋଭିଡ ସେଣ୍ଟର ପରିଦର୍ଶନ କଲେ ଉପଜିଲ୍ଲାପାଳ । ଭଞ୍ଜନଗର ଉପଜିଲ୍ଲାପାଳ ଶ୍ରୀ ରାଜେନ୍ଦ୍ର ମିଂଜ଼ ଆଜି ଭଞ୍ଜନଗରରେ ସ୍ଥିତ ଉତ୍ସର୍ଗୀକୃତ କୋଭିଡ କେୟାର ସେଣ୍ଟର ପରିଦର୍ଶନ କରିଛନ୍ତି । ଆଜି ମଧ୍ୟାହ୍ନରେ ନିଜେ ଉପଜିଲ୍ଲାପାଳ ପିପିଇ କିଟ୍ ପରିଧାନ କରି ଜିଲ୍ଲା କୋଭିଡ୍ କେୟାର ସେଣ୍ଟରରେ ଭର୍ତ୍ତି ହେଇଥିବା ରୋଗୀଙ୍କ ସହ ଆଲୋଚନା କରିଛନ୍ତି । ରୋଗୀଙ୍କ ସହ ସ୍ୱାସ୍ଥ୍ୟଗତ ସମସ୍ୟା, ଖାଦ୍ୟ, ପାନୀୟ, ଔଷଧ, ଚିକିତ୍ସା ଆଦି ଆଲୋଚନା କରିଛନ୍ତି । ରୋଗୀ ମାନେ ଚିକିତ୍ସା, ସ୍ୱଚ୍ଛତା, ଖାଦ୍ୟ ଆଦି ସେବାରେ ସନ୍ତୁଷ୍ଟି ପ୍ରକାଶ କରିଥିବା ନେଇ ଉପଜିଲ୍ଲାପାଳଙ୍କୁ କହିଛନ୍ତି ।
ଉପଜିଲ୍ଲାପାଳ ରୋଗୀ ମାନଙ୍କ ମନୋବଳ ଦୃଢ କରିବା ସହ କିଛି ବି ସମସ୍ୟା ଆସିଲେ ତୁରନ୍ତ ଡାକ୍ତରଙ୍କୁ ଜଣେଇବା ନିମନ୍ତେ ପରାମର୍ଶ ଦେଇଛନ୍ତି । ମନକୁ ଯଦି ଦୃଢ଼ ରଖିବା ଏବଂ ସକରାତ୍ମକ ଚିନ୍ତା କରିବା, ତେବେ ନିଶ୍ଚିତ ଭାବେ ବହୁତ ଶୀଘ୍ର ସୁସ୍ଥ ହୋଇ ଘରକୁ ଫେରିବେ ବୋଲି ଦୃଢ଼ତାର ସହ କହିଛନ୍ତି । ନିୟୋଜିତ ଥିବା ଡାକ୍ତରଙ୍କୁ ସେମାନଙ୍କ ଉତ୍ସର୍ଗୀକୃତ ସେବା ମନୋଭାବକୁ ପ୍ରଶଂସା କରିଛନ୍ତି ।