ଭଞ୍ଜନଗର : ପ୍ରଶାସନର ନାଲି ଆଖିର ଆକ୍ରୋଶର ଶିକାର ହୋଇଛନ୍ତି ସାମ୍ବାଦିକ ତଥା ବଡ଼ ଖବରର ସମ୍ପାଦକ ଅର୍ଦ୍ଧେନ୍ଦୁ ଦାସ । ବଡ଼ ଖବର ସମ୍ପାଦକଙ୍କୁ ଗିରଫ ପ୍ରତିବାଦରେ ଆଜି ଗଞ୍ଜାମ ଜିଲ୍ଲା ଭଞ୍ଜନଗର ପ୍ରେସକ୍ଲବ ତରଫରୁ ଉପଜିଲ୍ଲାପାଳଙ୍କୁ ଏକ ଦାବିପତ୍ର ପ୍ରଦାନ କରାଯାଇଛି ।
ପ୍ରଶାସନ ବିରୋଧରେ ଯିଏ ସ୍ୱର ଉତ୍ତୋଳନ କରିବ ସିଏ ସରକାରର ଆକ୍ରୋଶର ଶିକାର ହେବ । ସରକାର ସାମ୍ବାଦିକଙ୍କୁ ସୁରକ୍ଷା ଦେବା ପରିବର୍ତ୍ତେ ଜେଲକୁ ପଠେଇ ଦେବେ ଯାହାକି ଅର୍ଦ୍ଧେନ୍ଦୁ ଦାସଙ୍କ କ୍ଷେତ୍ରରେ ଦେଖିବାକୁ ମିଳିଛି l ଏବେ କିଛି ବର୍ଷ ହେଲା ସାମ୍ବାଦିକ ମାନଙ୍କ ପ୍ରତି ଏଭଳି ଘଟଣା ଘଟୁଥିବା ଦେଖିବାକୁ ମିଳିଛି l ଏଭଳି ଘଟଣାକୁ ଭଞ୍ଜନଗର ସାମ୍ବାଦିକ ସଂଘ ତରଫରୁ ନିନ୍ଦା କରାଯିବା ସହିତ ତୁରନ୍ତ ସାମ୍ବାଦିକ ଅର୍ଦ୍ଧେନ୍ଦୁ ଦାସଙ୍କୁ ନିର୍ଦ୍ଦୋଷରେ ଖଲାସ କରିବାକୁ ଦାବି କରାଯାଇଛି ।
ଇଟିଭି ଭାରତ, ଭଞ୍ଜନଗର
