ବ୍ରହ୍ମପୁର: କଳାହାଣ୍ଡି ଶିକ୍ଷୟିତ୍ରୀ ମମିତା ମେହର ହତ୍ୟା ଘଟଣାରେ ଦିନକୁ ଦିନ ବିରୋଧି ଦଳ ପକ୍ଷରୁ ରାଜ୍ୟ ସରକାରଙ୍କୁ ଟାର୍ଗେଟ କରାଯାଉଛି । ମମିତାଙ୍କୁ ନ୍ୟାୟ ପ୍ରଦାନ ସହିତ ଘଟଣାରେ ସମ୍ପୃକ୍ତି ଅଭିଯୋଗ ଆସିଥିବା ରାଜ୍ୟର ଗୃହ ରାଷ୍ଟ୍ରମନ୍ତ୍ରୀ ଦିବ୍ୟଶଙ୍କର ମିଶ୍ରଙ୍କ ଇସ୍ତଫା ଦାବି କରିଛି ଭାରତୀୟ ଜନତା ଯୁବମୋର୍ଚ୍ଚା ।
ମମିତାଙ୍କୁ ନ୍ୟାୟ ଦାବିରେ ଗଞ୍ଜାମ ଏସ୍.ପିଙ୍କ କାର୍ଯ୍ୟାଳୟ ଘେରିଲା ବିଜେପି ଯୁବ ମୋର୍ଚ୍ଚା
ଯୁବମୋର୍ଚ୍ଚା ପକ୍ଷରୁ ଗଞ୍ଜାମ ଜିଲ୍ଲାର ସଦର ମହକୁମ୍ମା ଛତ୍ରପୁର ଠାରେ ବିକ୍ଷୋଭ କରାଯିବା ସହ ଏକ ଶୋଭାଯାତ୍ରାରେ ଦଳର ନେତୃବୃନ୍ଦ ଜିଲ୍ଲା ଆରକ୍ଷୀ ଅଧିକ୍ଷକଙ୍କ କାର୍ଯ୍ୟାଳୟ ସମୁଖରେ ପହଞ୍ଚିଥିଲେ । ସେଠାରେ ଏହି ଘଟଣାକୁ ନିନ୍ଦା କରିବା ସହିତ ବିଭିନ୍ନ ପ୍ରମାଣ ମିଳିବା ପରେ ମଧ୍ୟ ସରକାରଙ୍କ ନୀରବଦ୍ରଷ୍ଟା ପ୍ରକୃତିକୁ ନେଇ ପ୍ରଶ୍ନ ଉଠାଇଥିଲେ ।