ବ୍ରହ୍ମପୁର: ସାନଖେମୁଣ୍ଡି ବ୍ଲକ ପାଟପୁର ନୋଡାଲ ଉଚ୍ଚ ବିଦ୍ୟାଳୟରେ ଜଣେ ଶିକ୍ଷୟତ୍ରୀ ସର୍ବଶିକ୍ଷା ଅଭିଯାନ ବହି କବାଡିବାଲାକୁ ବିକ୍ରି କରୁଥିବା ନେଇ ଉତ୍ତେଜନା ଦେଖାଯାଇଛି । ଘଟଣା ସଂପର୍କରେ ଖବର ପାଇ ସାନଖେମୁଣ୍ଡି ବିଇଓ ସେଠାରେ ପହଞ୍ଚିବା ସହ ତଦନ୍ତ କରାଯାଇ କାର୍ଯ୍ୟାନୁଷ୍ଠାନ ନିଆଯିବାର ପ୍ରତିଶ୍ରୁତି ଦେବା ପରେ ପରିସ୍ଥିତି ଶାନ୍ତ ପଡିଥିଲା ।
tension-at-patapur
ସୂଚନା ଅନୁସାରେ, ପାଟପୁର ନୋଡାଲ ଉଚ୍ଚ ବିଦ୍ୟାଳୟରେ ଶିକ୍ଷୟତ୍ରୀ ସାବିତ୍ରୀ ଦେବୀ ଛାତ୍ରଛାତ୍ରୀଙ୍କ ବଣ୍ଟନ ପାଇଁ ଆସିଥିବା ବହି ବିକ୍ରି କରୁଥିଲେ । ଶିକ୍ଷୟତ୍ରୀ ଜଣକ ତିନିଜଣ କବାଡିବାଲାଙ୍କୁ 2018 ମସିହାର ବହି ବିକ୍ରି କରୁଥିବା ସମୟରେ ଲୋକେ ସ୍ଥାନୀୟ ପାଟପୁର ବଟେଶ୍ବରୀ ଛକ ନିକଟରେ ବିରୋଧ କରିଥିଲେ ।