ଭଞ୍ଜନଗର: ଦାରିଙ୍ଗିବାଡିକୁ ପିକନିକ କରିବାକୁ ଯିବା ସମୟରେ ବାଇକ ଦୁର୍ଘଟଣା । ଏହି ଦୁର୍ଘଟଣାରେ ଶିକ୍ଷକ ଜଣଙ୍କ ମୃତ୍ୟୁ ହୋଉଥିବା ବେଳେ ଆଉ ଜଣେ ଶିକ୍ଷକଙ୍କ ଅବସ୍ଥା ଗୁରୁତର ରହିଛି । ତେବେ ମୃତ ଶିକ୍ଷକ ଜଣକ ହେଲେ ମୟୂରଭଞ୍ଜ ଜିଲ୍ଲା କପ୍ତିପଦା ଗାଁର ଶୁଭେନ୍ଦୁ ସାହୁ ।
ଖବର ମୁତାବକ, ଦୁଇ ଜଣ ଶିକ୍ଷକ ଖପରାଗଣ୍ଡା ବିଦ୍ୟାଳୟରେ ଶିକ୍ଷକତା କରନ୍ତି । ରବିବାର ଛୁଟି ଥିବାରୁ ବାଇକ ଯୋଗେ ଦାରିଙ୍ଗିବାଡି ପିକନିକ କରିବାକୁ ଯାଉଥିଲେ । ତେବେ ଗଞ୍ଜାମ ଜିଲ୍ଲା ସୋରଡା ଥାନା ପିପଳପଙ୍କା ଗାଁ ନିକଟ ବୁଲାଣିରେ ବାଇକଟି ଭାରସାମ୍ୟ ହରାଇ ଦୁର୍ଘଟଣାଗ୍ରସ୍ତ ହୋଇଥିଲା । ଦୁର୍ଘଟଣାସ୍ଥଳରୁ ସ୍ଥାନୀୟ ବାସିନ୍ଦା ସେମାନଙ୍କୁ ଉଦ୍ଧାର କରି ସୋରଡା ଡାକ୍ତରଖାନାକୁ ଆଣିଥିଲେ । କିନ୍ତୁ ସେଠାରେ ଶୁଭେନ୍ଦୁଙ୍କୁ ଡାକ୍ତର ମୃତ ବୋଲି ଘୋଷଣା କରିଥିଲେ । ଅନ୍ୟପଟେ ଆହତ ଶିକ୍ଷକ ପ୍ରତ୍ୟୁଷଙ୍କ ଅବସ୍ଥା ଗୁରୁତର ହେବାରୁ ତାଙ୍କୁ ବ୍ରହ୍ମପୁର ଡାକ୍ତରଖାନାକୁ ସ୍ଥାନାନ୍ତର କରାଯାଇଛି । ସୂଚନାଥାଉକି, ଦାରିଙ୍ଗିବାଡିରେ ଆହତ ଶିକ୍ଷକ ପ୍ରତ୍ୟୁଷ କୁମାର ସାହୁଙ୍କ ଘର ।