ବୃଦ୍ଧ ମହିଳାଙ୍କ ସନ୍ଦେହ ଜନକ ମୃତ୍ୟୁ, ହତ୍ୟା ଅଭିଯୋଗ ଆଣିଲେ ଝିଅ

ଗଞ୍ଜାମ ଜିଲ୍ଲା ଅଢଙ୍ଗପାରି ଗ୍ରାମରେ ଅଭାବନୀୟ ଘଟଣା । ବୃଦ୍ଧ ମହିଳାଙ୍କ ସନ୍ଦେହ ଜନକ ମୃତ୍ୟୁ ହୋଇଥିବାବେଳେ ପୁଅ ଏବଂ ବୋହୂ ମିଶି ହତ୍ୟା କରିଥିବା ଝିଅ ଅଭିଯୋଗ କରିଛନ୍ତି । ଅଧିକ ପଢନ୍ତୁ

ଭଞ୍ଜନଗର: ବୃଦ୍ଧ ମହିଳାଙ୍କ ସନ୍ଦେହ ଜନକ ମୃତ୍ୟୁ । ଗଞ୍ଜାମ ଜିଲ୍ଲା ତାରସିଂ ଥାନା ଅଢଙ୍ଗପାରି ଗ୍ରାମରେ ଏଭଳି ଏକ ଅଭବନୀୟ ଘଟଣା ଦେଖିବାକୁ ମିଳିଛି । ପାରିବାରିକ କଳହରୁ ପୁଅ ଏବଂ ବୋହୂ ହତ୍ୟା କରିଥିବା ଝିଅ ଅଭିଯୋଗ କରିଛନ୍ତି । ମୃତ ମହିଳା ଜଣକ ହେଉଛନ୍ତି ଶ୍ରୀମତୀ ନାୟକ ।

ଶ୍ରୀମତୀ ନାୟକଙ୍କ ସ୍ବାମୀ ରାମଚନ୍ଦ୍ର ନାୟକ ଜଣେ ପୋଲିସ କର୍ମଚାରୀ ଭାବେ କାର୍ଯ୍ୟ କରୁଥିଲେ । ଅବସର ପରେ ଗତ ୧୦ମାସ ହେଲା ତାଙ୍କର ମୃତ୍ୟୁ ଘଟିଛି । ଏହା ପର ଠାରୁ ପୁଅ ବୋହୂ ଅଲଗା ରହୁଥିବାବେଳେ ଶ୍ରୀମତୀ ନାୟକ ଓ ଏବଂ ସାନ ଝିଅ ମିଶି ଏକାଠି ରହୁଥିଲେ । ଶ୍ରୀମତୀ ସ୍ଵାମୀଙ୍କ ପେନସନ ପାଉଥିବାରୁ ପୁଅ ସନ୍ତୋଷ ସବୁବେଳେ ଟଙ୍କା ମାଗି ଘରେ କଳହ ସୃଷ୍ଟି କରୁଥିଲା । ସାନଝିଅ ବନିତା ଶିକ୍ଷକତା କରୁଥିବା ହେତୁ କର୍ମକ୍ଷେତ୍ରକୁ ଯାଇଥିବା ସମୟରେ ମା’ ଏକୁଟିଆ ଘରେ ରହିଥିଲେ । ଦିନ ୧୦ଟା ପର୍ଯ୍ୟନ୍ତ ଶ୍ରୀମତୀ ଫୋନ ମାଧ୍ୟମରେ ଝିଅଙ୍କ ସହ କଥା ହୋଇଛନ୍ତି ।

ଏହା ମଧ୍ୟ ପଢ଼ନ୍ତୁ:ଶିକ୍ଷା ବ୍ୟବସ୍ଥାକୁ ଆଖିଠାର, ସ୍କୁଲରେ କାଠ ବୋହିଲେ ଛାତ୍ର

ଏହାପରେ ସେ ଆଉ ଫୋନ ଉଠାଇ ନଥିଲେ । ଝିଅ ଫେରିବା ବେଳକୁ ଘରର ଭିତର ପଟୁ ତାଲା ପଡ଼ିଥିବା ଦେଖି ସନ୍ଦେହ କରିଥିଲେ । କବାଟ ଭାଙ୍ଗିବାରୁ ମାଆଙ୍କ ମୃତଦେହ ଦେଖିବାକୁ ପାଇଥିଲେ । ପରିବାର ଲୋକଙ୍କ ସୂଚନା କ୍ରମେ ପୋଲିସ ଖବର ପାଇ ଘଟଣାସ୍ଥଳରେ ପହଞ୍ଚିଥିଲା । ସାଇଣ୍ଟିଫିକ ଟିମ ଆସି ମୃତଦେହ ଉଦ୍ଧାର ପରେ ବ୍ୟବଚ୍ଛେଦ ପାଇଁ ପଠାଯାଇଛି । ତେବେ ଘଟଣା ପରେ ପୁଅ ବୋହୂ ଫେରାର ଥିବା ସୂଚନା ମିଳିଛି ।

ଇଟିଭି ଭାରତ, ଭଞ୍ଜନଗର