ଭଞ୍ଜନଗର: ଗଞ୍ଜାମ ଜିଲ୍ଲା ସୋରଡାରେ ଥିବା ଆଦର୍ଶ ବିଦ୍ଯାଳୟରେ ଯୁକ୍ତ ଦୁଇ ବିଜ୍ଞାନ ଖୋଲିବାକୁ ଦାବି । ଶହେରୁ ଅଧିକ ଛାତ୍ରଛାତ୍ରୀଙ୍କ ସହ ଅଭିଭାବକଙ୍କ ତହସିଲ ଆଗରେ ଧାରଣା ।
ଭିଡିଓ ସୌଜନ୍ୟ: ପ୍ରତିନିଧି, ଭଞ୍ଜନଗର
ସୂଚନା ଅନୁସାରେ, ସୋରଡା ଆଦର୍ଶ ବିଦ୍ୟାଳୟରେ ଇଂରାଜୀ ମିଡିୟମରେ ପାଠପଢି ଅଧିକ ନମ୍ବର ରଖି ଚଳିତ ବର୍ଷ 60 ଜଣ ପିଲାଙ୍କ ମଧ୍ୟରୁ 59 ଜଣ କୃତକାର୍ଯ୍ୟ ହୋଇଛନ୍ତି । ସେଥି ମଧ୍ୟରୁ 9 ଜଣ ପିଲା 96 ପ୍ରତିଶତ ମାର୍କ ରଖି ପାସ କରିଛନ୍ତି । ତେବେ ଆର୍ଥିକ ସ୍ବଚ୍ଛଳ ନଥିବା ଏହି ପିଲାମାନଙ୍କର ଯୁକ୍ତ 2 ବିଜ୍ଞାନ ପଢିବା କଷ୍ଟସାଧ୍ୟ ହୋଇପଡିଛି । ଯେଉଁଥିପାଇଁ କି ଛାତ୍ରଛାତ୍ରୀଙ୍କ ସହ ଅଭିଭାବକ ମାନେ ଏହି ଆଦର୍ଶ ବିଦ୍ୟାଳୟରେ ଯୁକ୍ତ 2 ବିଜ୍ଞାନ ଖୋଲିବାକୁ ଦାବି କରିଛନ୍ତି । ଫଳରେ ସ୍ବଳ୍ପ ମୂଲ୍ୟରେ ଛାତ୍ରଛାତ୍ରୀ ମାନେ ଶିକ୍ଷା ଗ୍ରହଣ କରିବେ ବୋଲି ସେମାନେ ଆଶା ବାନ୍ଧିଛନ୍ତି ।