ବ୍ରହ୍ମପୁର: ପରୀକ୍ଷା ସରିଲା । ଅପେକ୍ଷା ଥିଲା କେବେ ପ୍ରକାଶ ପାଇବ ପରୀକ୍ଷା ଫଳ । ଦିନ ପରେ ଦିନ ଗଡି ଚାଲିଥିଲେ ମଧ୍ୟ ପରୀକ୍ଷା ଫଳ ପ୍ରକାଶ ପାଇନାହିଁ । ଫଳରେ ଛାତ୍ରଛାତ୍ରୀମାନେ ଉଚ୍ଚଶିକ୍ଷାରୁ ବଞ୍ଚିତ ହେଉଥିବା ଆଶଙ୍କା ଦେଖାଦେଇଛି । ଯେଉଁଥିପାଇଁ ଆଜି ଖଲ୍ଲିକୋଟ କ୍ଲଷ୍ଟର ବିଶ୍ୱବିଦ୍ୟାଳୟ ଅଧିନରେ ଆସୁଥିବା ବିଭିନ୍ନ ମହାବିଦ୍ୟାଳୟର ପ୍ରତିନିଧିମାନେ କୁଳପତିଙ୍କୁ ଭେଟିବା ସହ ଖୁବ୍ଶୀଘ୍ର ସମସ୍ୟାର ସମାଧାନ ପାଇଁ ଦାବି କରିଛନ୍ତି ।
ଭିଡିଓ ସୌଜନ୍ୟ: ସମ୍ବାଦଦାତା, ବ୍ରହ୍ମପୁର
ଏହା ସହ ମାର୍କସିଟ ମଧ୍ୟ ପ୍ରତିବର୍ଷ ବିଲମ୍ବରେ ପ୍ରକାଶ ପାଉଥିବା ଅଭିଯୋଗ ହୋଇଛି । ତେବେ ବାତ୍ୟା ‘ଫନି’ ପାଇଁ ଚଳିତ ବର୍ଷ ଏସବୁ ବିଳମ୍ବ ହେଉଥିବା ବିଶ୍ବବିଦ୍ୟାଳୟ ପକ୍ଷରୁ କୁହାଯାଇଛି । ସୂଚନାଥାଉକି, ଖଲ୍ଲିକୋଟ କ୍ଲଷ୍ଟର ବିଶ୍ବବିଦ୍ୟାଳୟ ଅଧିନରେ ଥିବା ମହାବିଦ୍ୟାଳୟ ଗୁଡିକରେ ପରୀକ୍ଷା କରିବା ଠାରୁ ଆରମ୍ଭ କରି ଫଳ ପ୍ରକାଶ ସବୁଥିରେ ବିଳମ୍ବ ହେଉଥିବା ଅଭିଯୋଗ ହୋଇଛି ।