ବ୍ରହ୍ମପୁର: କେମିତି ଚାଲିଛି ଆମ ଶିକ୍ଷା ବ୍ୟବସ୍ଥା । କିଭଳି ହେଉଛି ଶିକ୍ଷାଦାନ, ଏହାକୁ ନେଇ ସବୁବେଳେ ଉଠିଥାଏ ପ୍ରଶ୍ନ? ଏଭଳି ତମାମ ପ୍ରଶ୍ନର ଉତ୍ତର ଏକ ଭାଇରାଲ ଭିଡିଓରେ ଦେଖିବାକୁ ମିଳିଛି । ପାଠପଢିବାକୁ ଆସି ହାଣୁଛନ୍ତି ଗଛ, ବୋହୁଛନ୍ତି ରୋଷେଇ ପାଇଁ ବ୍ୟବହୃତ ହାଣ୍ଡିହଣ୍ଡା ।
ଏ ଘଟଣା ହେଉଛି ଗଞ୍ଜାମ ଜିଲ୍ଲାର ବୁଗୁଡା ବ୍ଲକ ଭଗବତ ସ୍ବାମୀ ଉନ୍ନୀତ ଉଚ୍ଚ ବିଦ୍ୟାଳୟର । ସ୍କୁଲରେ ଆୟୋଜିତ ଏହି କାର୍ଯ୍ୟକ୍ରମ ପାଇଁ ଛାତ୍ରଛାତ୍ରୀ ହାଣ୍ଡିହଣ୍ଡା ଆଣିବା ସହ ବୋହୁଛନ୍ତି କାଠ । ଅନ୍ୟ ଦୃଶ୍ୟ ହେଉଛି ପୋଲସରା ସ୍ଥିତ ଗୋପବନ୍ଧୁ ହାଇସ୍କୁଲର । ଯେଉଁଠି କିଛି ଛାତ୍ର ଗଛ ଚଢି ହାଣୁଛନ୍ତି ଗଛଡାଳ । ଏଭଳି ଦୁଇଟି ଭିଡିଓ ଏବେ ଭାଇରାଲ ହେବାରେ ଲାଗିଛି । ଯେଉଁଥିରୁ ବେଶ ସ୍ପଷ୍ଟ ହୋଇପଡୁଛି ଆମ ଦେଶର ଭବିଷ୍ୟତଙ୍କ ଭବିଷ୍ୟତ। ସେପଟେ, ଘଟଣାକୁ ଅତି ହାଲୁକା ଭାବେ ନେଇଛନ୍ତି ବୁଗୁଡା ବ୍ଲକ ତାକରଡା ସ୍କୁଲର ପ୍ରଧାନଶିକ୍ଷକ।
ଭିଡିଓ ସୌଜନ୍ୟ: ସମ୍ବାଦଦାତା, ବ୍ରହ୍ମପୁର