ବ୍ରହ୍ମପୁର:ଘରୁ କେତେ ଖୁସିରେ ବୁଲି ବାହାରି ଥିଲେ । ହେଲେ କିଏ ଜାଣିଥିବା ଆଉ କେବେ ଘରକୁ ଫେରିବେ ନାହିଁ । କଳିଙ୍ଗା ଘାଟି କାଳ ସାଜିଲା ।ଜିଲ୍ଲା ଭଞ୍ଜନଗର କଳିଙ୍ଗା ଘାଟିରେ ଓଲଟିଲା ଟୁରିଷ୍ଟ ବସ । ଦାରିଙ୍ଗବାଡିରୁ ଫେରୁଥିବାବେଳେ ବସ ବ୍ରେକ ପାଇପ ଫାଟିଯିବାରୁ ରାତି 12ଟାରେ ଏହି ଅଘଟଣ ଘଟିଛି । ଦୁର୍ଘଟଣାରେ 6 ଜଣଙ୍କ ମୃତ୍ୟୁ ହୋଇଥିବା ବେଳେ 20ରୁ ଅଧିକ ଆହତ ହୋଇଛନ୍ତି । ଡ୍ରାଇଭରକୁ ମିଶାଇ ବସ୍ରେ 77 ଜଣ ଯାତ୍ରୀ ଥିଲେ ।
ସମସ୍ତ ପର୍ଯ୍ୟଟକ ପଶ୍ଚିମବଙ୍ଗ ହାୱଡା ଉଦନପୁରର । ସମସ୍ତ ଆହତଙ୍କୁ ଏମକେସିଜି ମେଡିକାଲରେ ଭର୍ତ୍ତି କରାଯାଇଛି । ହାଇଡ୍ରା ମେସିନ ସାହାଯ୍ୟରେ ସମସ୍ତଙ୍କୁ ଉଦ୍ଧାର କରାଯାଇଛି । ପଶ୍ଚିମବଙ୍ଗ ହାଓ୍ଵାଡା ଜିଲ୍ଲା ଉଦନପୁର ଥାନା ଅଞ୍ଚଳର ସମସ୍ତ ଟୁରିଷ୍ଟ ଦାରିଙ୍ଗବାଡି ବୁଲିବାକୁ ଆସିଥିଲେ । ବୁଲାବୁଲି ସାରି ଫେରୁଥିବା ସମୟରେ କଳିଙ୍ଗାଘାଟିର ମଧ୍ୟ ଭାଗରେ ବସର ବ୍ରେକ ପାଇପ ଫାଟିଯିବା ଯୋଗୁଁ ଏ ଭୟଙ୍କର ଦୁର୍ଘଟଣା ଘଟିଛି ।
ଦାରିଙ୍ଗିବାଡିରୁ ଫେରୁଥିବା ବେଳେ ମଧ୍ୟରାତ୍ରିରେ ଅଘଟଣ ଘଟିଛି । ହାଇଡ୍ରା ମେସିନ ମାଧ୍ୟମରେ ସମସ୍ତଙ୍କୁ ଉଦ୍ଧାର କରାଯାଇ ପ୍ରଥମେ ସ୍ଥାନୀୟ ଭଞ୍ଜନଗର ମେଡିକାଲ ପରେ ବ୍ରହ୍ମପୁର ଏମ୍.କେ.ସି.ଜି କୁ ସ୍ଥାନାନ୍ତରିତ କରାଯାଇଛି । ଭଞ୍ଜନଗର ଓ ଜି.ଉଦୟଗିରି ପୋଲିସଙ୍କ ସହ ଅଗ୍ନିଶମ କର୍ମଚାରୀ ଉଦ୍ଧାର କାର୍ଯ୍ୟରେ ସାମିଲ ହୋଇଛନ୍ତି ।