ଭଞ୍ଜନଗର: ଜଗନ୍ନାଥପ୍ରସାଦ ବ୍ଲକର କାଦୁଆ ଗ୍ରାମ ପଞ୍ଚାୟତକୁ 48 ଘଣ୍ଟା ପାଇଁ ସଟଡାଉନ ଘୋଷଣା କଲେ ସରପଞ୍ଚ ବିଚିତ୍ର କୁମାର ନାୟକ । ସାରା ଦେଶ କରୋନା ମହାମାରୀ କବଳରେ ଥିବାବେଳେ କରୋନାକୁ ପ୍ରତିରୋଧ କରିବା ପାଇଁ ସରକାରଙ୍କ ପ୍ରଦତ୍ତ ଜିଲ୍ଲାପାଳ କ୍ଷମତାକୁ ବ୍ୟବହାର କରିଛନ୍ତି ସରପଞ୍ଚ ।
ଜିଲ୍ଲାପାଳ କ୍ଷମତା ବ୍ୟବହାର କଲେ ସରପଞ୍ଚ
ଏହିକ୍ରମରେ ଆଜି 7 ଘଣ୍ଟାରୁ ଆଗମୀ 48 ଘଣ୍ଟା ପର୍ଯ୍ୟନ୍ତ ସାରା ପଞ୍ଚାୟତ ସଟଡାଉନ ରହିବା ସହ ପୁରା ପଞ୍ଚାୟତକୁ ସାନିଟାଇଜ କରାଯାଇଥିବା ଜଣାପଡିଛି । ଜିଲ୍ଲାରେ ଦିନକୁ ଦିନ କୋରୋନା ସଂଙ୍କ୍ରମିତଙ୍କ ସଂଖ୍ୟା ବଢୁଛି । ବହୁ ମାତ୍ରାରେ ପ୍ରବାସୀ ଓଡିଆ ଆସି ପଞ୍ଚାୟତର ବିଭିନ୍ନ ଅଞ୍ଚଳରେ କ୍ବାରାଣ୍ଟାଇନ ରହୁଛନ୍ତି । ତେଣୁ ଅଞ୍ଚଳକୁ ସଂକ୍ରମଣ ଦାଉରୁ ରକ୍ଷା କରିବା ପାଇଁ ସେ ଏଭଳି ନିଷ୍ପତ୍ତି ନେଇଥିବା କହିଛନ୍ତି ।