ଗଞ୍ଜାମ: ଜିଲ୍ଲାର ଗାଙ୍ଗପୁର ଥାନା ପେଟ୍ରୋଲ ପମ୍ପ ନିକଟରେ ଭାରସାମ୍ୟ ହରାଇ ଓଲଟିଲା ଟ୍ରକ । ଟ୍ରକ ତଳେ ଚାପିହୋଇ ବାଇକ ଚାଳକ ମୃତ୍ୟୁ ବରଣ କରିଥିବାବେଳେ, ତାଙ୍କର 5 ବର୍ଷର ନାତୁଣୀ ଗୁରୁତର ଆହତ ହୋଇଛନ୍ତି । ମୃତକ ହେଲେ ସୁରମଣୀ ଗାଁର ଦଣ୍ଡପାଣି ନାୟକ । ଦୁର୍ଘଟଣା ପରେ ଟ୍ରକ ଡ୍ରାଇଭର ଫେରାର ହୋଇଯାଇଛି ।
ସୂଚନା ମୁତାବକ, ବାଇକ ଚାଳକ ଜଣକ ପେଟ୍ରୋଲ ପମ୍ପରୁ ତେଲ ପକାଇ ରୋଡ଼କୁ ବାହାରୁ ଥିବାବେଳେ ବ୍ରହ୍ମପୁର ପଟୁ ଆସୁଥିବା ଏକ ଟ୍ରକ ଭାରସାମ୍ୟ ହରାଇ ତାଙ୍କରି ଉପରେ ଓଲଟି ପଡିଥିଲା । ଯାହାଫଳରେ ଘଟଣାସ୍ଥଳରେ ବାଇକ ଚାଳକ ଜଣଙ୍କ ମୃତ୍ୟୁ ବରଣ କରିଥିଲେ । ତାଙ୍କ ପାଖରେ ଥିବା 5 ବର୍ଷର ନାତୁଣୀ ଟି ଛିଟିକି ପଡିଥିଲା । ସ୍ଥାନୀୟ ଲୋକେ ତାକୁ ସଙ୍ଗେସଙ୍ଗେ ଉଦ୍ଧାର କରି ସ୍ଥାନୀୟ ମେଡିକାଲରେ ଭର୍ତ୍ତି କରିଥିବାବେଳେ, ଚିକିତ୍ସା ଜାରି ରହିଛି ।
ଭଞ୍ଜନଗରରୁ ରଞ୍ଜନ ସ୍ବାଇଁ, ଇଟିଭି ଭାରତ
