ବ୍ରହ୍ମପୁର: କୋରୋନା ଭୟରେ ମୃତ୍ୟୁ ପରେ ମୃତଦେହ ଛୁଇଁଲେନି ଆତ୍ମୀୟ । ପରିବାର ଠାରୁ ଆରମ୍ଭ କରି ସାହି ପଡିଶା କେହି ବି ପାଖ ମଧ୍ୟ ମାଡିଲେନି । ଏଭଳି ସମୟରେ ସ୍ଥାନୀୟ ପ୍ରଶାସନିକ ଅଧିକାରୀ ଏବଂ ଦୁଇ ସ୍ବେଚ୍ଛାସେବୀଙ୍କ ଉପସ୍ଥିତିରେ କରାଯାଇଛି ଅନ୍ତିମ ସଂସ୍କାର ।
କୋରୋନା କରାଳ ଚିତ୍ର, ଅନ୍ତିମ ସଂସ୍କାର ପାଇଁ କେହି ଆସିଲେନି
ଗଞ୍ଜାମ ଜିଲ୍ଲା ହିଞ୍ଜିଳିକାଟୁ ସମରଝୋଳ ଗ୍ରାମରେ ଦେଖିବାକୁ ମିଳିଛି ଏହି ଘଟଣା । ଗ୍ରାମର ୩୮ ବର୍ଷୀୟ ଡି. ଗୋବିନ୍ଦ ନାମକ ବ୍ୟକ୍ତିର ମୃତ୍ୟ ଘଟିବା ପରେ ତାହାକୁ ନେବା ପାଇଁ କେହି ରାଜି ହୋଇନଥିଲେ । ସେ ଗତ ଦୁଇ ଦିନ ତଳେ ପାରାଦ୍ବିପରୁ ଆସି ଅସୁସ୍ଥ ହୋଇପଡିଥିଲେ । ତେବେ ତାଙ୍କର ମୃତ୍ୟୁ ପରେ କୋରୋନା ଭୟରେ ତାଙ୍କ ପାଖକୁ କେହି ଆସିନଥିଲେ ।