ବ୍ରହ୍ମପୁର: ଗଞ୍ଜାମ ଜିଲ୍ଲା ବ୍ରହ୍ମପୁର ସହର ଉପକଣ୍ଠ ଗୋଳନ୍ଥରା ଥାନା ପରିସରରେ ଯୁବକଙ୍କ ମୃତ୍ୟୁକୁ ନେଇ ପରିବାର ବର୍ଗ ଡିଆଇଜିଙ୍କୁ ଭେଟି ସଠିକ୍ ତଦନ୍ତ ପାଇଁ ଦାବି କରିଛନ୍ତି । ଥାନାରେ ଥିବାବେଳେ ଯୁବକଙ୍କ ସନ୍ଦେହଜନକ ମୃତ୍ୟୁକୁ ନେଇ ଚିନ୍ତା ପ୍ରକଟ କରିଛନ୍ତି ପରିବାର ବର୍ଗ । ଏଥିସହ ଡିଆଇଜିଙ୍କୁ ଭେଟି ତଦନ୍ତ ପାଇଁ ନିବେଦନ କରିଛନ୍ତି ।
ଥାନାରେ ଯୁବକଙ୍କ ମୃତ୍ୟୁ ଘଟଣା, ତଦନ୍ତ ପାଇଁ ଡିଆଇଜିଙ୍କୁ ଭେଟିଲେ ସମ୍ପର୍କୀୟ
ସୂଚନା ଅନୁଯାୟୀ ଗୋଳନ୍ଥରା ଥାନା ଅନ୍ତର୍ଗତ ରଙ୍ଗୀପୁର ଗ୍ରାମରେ ୩୦ ବର୍ଷୀୟ ଯୁବକ ଗଣେଷ ଡାକୁଆଙ୍କୁ କୌଣସି ଏକ ମାମଲାରେ ପୋଲିସ ଥାନାକୁ ଆଣି କୋଭିଡ କାରଣରୁ ଶିଶୁ ଓ ମହିଳା ଡେସ୍କରେ ରଖିଥିଲେ । ଏହି ସମୟରେ ଯୁବକ ଜଣକ ପିନ୍ଧିଥିବା ବେଲ୍ଟରେ ଆତ୍ମହତ୍ୟା କରିଥିବା ଦେଖି ଥାନା ଦାୟିତ୍ବରେ ଥିବା ସେଣ୍ଟ୍ରିଙ୍ଗ୍ କର୍ମଚାରୀମାନେ ଉଦ୍ଧାର କରି ଏମକେସିଜି ମେଡିକାଲରେ ଭର୍ତ୍ତି କରିଥିଲେ । ମାତ୍ର ଡାକ୍ତର ସେଠାରେ ତାଙ୍କୁ ମୃତ ଘୋଷଣା କରିଥିଲେ ।