ଭଞ୍ଜନଗର: ଅବକାରୀ ବିଭାଗର ଅଚାନକ ଚଢାଉ କରାଯାଇ ବ୍ୟାପକ ଅବକାରୀ ସାମଗ୍ରୀ ଜବତ କରାଯାଇଛି । ଗଞ୍ଜାମ ଜିଲ୍ଲାପାଳ ବିଜୟ ଅମୃତ କୁଲାଙ୍ଗେ ଏବଂ ଅବକାରୀ ଅଧିକ୍ଷକ ରାଜେନ୍ଦ୍ର ଭୋତ୍ରାଙ୍କ ନିର୍ଦ୍ଦେଶକ୍ରମେ ସୋମବାର ଏହି ଚଢାଉ କରାଯାଇଥିଲା । ଭଞ୍ଜନଗର ଅବକାରୀ ଥାନା ଅନ୍ତର୍ଗତ ଗଣ୍ଡାଧାର, ଲଣ୍ଡେଇହିଲ, ରାମପୁର, ହରିପୁର ଏବଂ ବାଦୁଆ ଗ୍ରାମରେ ଚଢାଉ ହୋଇଛି ।
ଚୋରା ମଦ ରନ୍ଧା ପ୍ରସ୍ତୁତି ଓ ବିକ୍ରି ଅଭିଯୋଗରେ 10ଟି ମାମଲା ରୁଜୁ କରାଯାଇଥିବା ବେଳେ 7 ଜଣ ଅଭିଯୁକ୍ତଙ୍କୁ ଗିରଫ କରି କୋର୍ଟ ଚାଲାଣ କରାଯାଇଛି । ଉକ୍ତ ଚଢ଼ାଉରେ 7750 ଲିଟର ଗୁଡ ମିଶ୍ରିତ ପୋଚକୁ ଜବତ କରି ନଷ୍ଟ କରାଯାଇଥିବା ବେଳେ ପ୍ରସ୍ତୁତିରେ ବ୍ୟବହୃତ ସାମଗ୍ରୀକୁ ଜବତ କରାଯାଇଛି । ଏହି ଚଢ଼ାଉରେ ଜିଲ୍ଲାର ବହୁ ଅବକାରୀ ବିଭାଗର କର୍ମଚାରୀ ଯୋଗ ଦେଉଥିବା ସୂଚନା ଦେଲେ ଭଞ୍ଜନଗର ଅବକାରୀ ଅଧିକାରୀ ପାର୍ଥସାରଥୀ ରାଉତ ।
ଭଞ୍ଜନଗରରୁ ରଞ୍ଜନ ସ୍ବାଇଁ, ଇଟିଭି ଭାରତ