ବ୍ରହ୍ମପୁର:ଘରୋଇ କଲେଜରେ ଛାତ୍ରଛାତ୍ରୀଙ୍କୁ ରାଗିଂ ଘଟଣାକୁ ସପ୍ତାହେ ନପୁରୁଣୁ ଆସିଛି ଆଉ ଏକ ରାଗିଂ ଅଭିଯୋଗ । ବ୍ରହ୍ମପୁର ଖଲ୍ଲିକୋଟ ଜୁନିଅର କଲେଜରେ ଜଣେ ଯୁକ୍ତ ଦୁଇ କଳା ବିଭାଗର ପ୍ରଥମ ବର୍ଷ ଛାତ୍ରୀଙ୍କୁ ରାଗିଂ କରାଯାଇଥିବା ଅଭିଯୋଗ ହୋଇଛି । ଏନେଇ ଛାତ୍ରୀ ଜଣଙ୍କ କଲେଜର ଅଧ୍ୟକ୍ଷଙ୍କୁ ଘଟଣା ସମ୍ପର୍କରେ ଲିଖିତ ଭାବରେ ଅବଗତ କରିଛନ୍ତି । ଏହି ଅଭିଯୋଗକୁ ନେଇ ମହାବିଦ୍ୟାଳୟର ଆଣ୍ଟି ରାଗିଂ କମିଟି ତଦନ୍ତ କରିବା ପରେ କାର୍ଯ୍ୟାନୁଷ୍ଠାନ ନିଆଯିବ ବୋଲି କହିଛନ୍ତି କଲେଜ ଅଧ୍ୟକ୍ଷ ।
ବିନାୟକ ଆଚାର୍ଯ୍ୟ ପରେ ଖଲ୍ଲିକୋଟ ଜୁନିୟର କଲେଜରେ ଛାତ୍ରୀଙ୍କୁ ରାଗିଂ ଅଭିଯୋଗ
ଗତ କିଛି ଦିନ ଧରି ଖଲ୍ଲିକୋଟ ଜୁନିଅର କଲେଜରେ ରାଗିଂ ହେଉଥିବା ଛାତ୍ରୀ ଅଭିଯୋଗ କରିଛନ୍ତି । ଯୁକ୍ତଦୁଇ ପ୍ରଥମ ବର୍ଷର କଳା ବିଭାଗର ଛାତ୍ରୀଙ୍କୁ ଦ୍ବିତୀୟ ବର୍ଷର ଛାତ୍ରଛାତ୍ରୀ କ୍ରମାଗତ ଭାବରେ କ୍ଲାସ ରୁମ୍ରେ ବିଭିନ୍ନ ପ୍ରକାର ଗାଳିଗୁଳଜ କରୁଛନ୍ତି । ଏହା ସହିତ ସହିତ କ୍ଲାସ ରୁମ୍ ବାହାରେ ମଧ୍ୟ ସିନିଅରମାନେ ହଇରାଣ କରି ରାଗିଂ କରୁଥିବା ନେଇ ଛାତ୍ରୀ ଜଣଙ୍କ କଲେଜ କର୍ତ୍ତୃପକ୍ଷଙ୍କ ନିକଟରେ ଅଭିଯୋଗ କରିଛନ୍ତି ।