ବ୍ରହ୍ମପୁର: ଗତ କିଛି ମାସ ମଧ୍ୟରେ ବ୍ରହ୍ମପୁର ସହରରେ ମଶାଙ୍କ ସଂଖ୍ୟା ବହୁ ମାତ୍ରାରେ ବୃଦ୍ଧି ପାଇଥିବା ବେଳେ ଏହାକୁ ରୋକିବାରେ ନିଗମ କର୍ତ୍ତୁପକ୍ଷଙ୍କ ବିଫଳତାକୁ ନେଇ ନିଗମ କମିଶନରଙ୍କ ବାସଭବନ ସମୁଖରେ ମଧ୍ୟରାତ୍ରରେ ଧାରଣା । ବ୍ରହ୍ମପୁର ସହରର ଆଇନଜୀବୀ ମନୋଜ ପଟ୍ଟନାୟକଙ୍କ ଏଭଳି ରାତି ଅଧିଆ ଧାରଣାକୁ ସମର୍ଥନ ଜଣାଇ ସହରର ଅନ୍ୟ କେତେକ ବ୍ୟକ୍ତିବିଶେଷ ଏହି ଆନ୍ଦୋଳନକୁ ସମର୍ଥନ ଜଣାଇଛନ୍ତି ।
ମଶା ବୃଦ୍ଧିକୁ ନେଇ ନିଗମ କମିଶନରଙ୍କ ବାସଭବନ ସମ୍ମୁଖରେ ମଧ୍ୟରାତ୍ରରେ ଧାରଣା
ଗତ ୧୦ ଦିନ ତଳେ ମଶା ଉପଦ୍ରବ କମାଇବାକୁ ଦାବି କରି ଏକ ସ୍ମାରକପତ୍ର ପ୍ରଦାନ କରିଥିଲେ ମନୋଜ ପଟ୍ଟନାୟକ । ତେବେ କମିଶନର ତାଙ୍କୁ କହିଥିଲେ ଯେ, ଟିଫାମେସିନ ଖରାପ ରହିଥିବାରୁ କୋଲକାତାରୁ ମେସିନ ଆସିଲେ ହିଁ ମଶା ମରା ଅଭିଯାନ ଆରମ୍ଭ ହେବ। ଏହାକୁ ବିରୋଧ କରି ମନୋଜ ଗତକାଲି ଠାରୁ ଧାରଣାରେ ବସିବା ଆରମ୍ଭ କରିଛନ୍ତି ।