ଭଞ୍ଜନଗର: କେନ୍ଦ୍ର ଓ ରାଜ୍ୟ ସରକାର କୋଟି କୋଟି ଟଙ୍କା ଖର୍ଚ୍ଚ କରି ଗରିବ ଲୋକଙ୍କୁ ପକ୍କା ଘର ଯୋଗାଉ ଥିବାବେଳେ ଆଜିବି ଘର ଖଣ୍ଡିଏ ପାଇଁ ପଞ୍ଚାୟତ ଠାରୁ ବ୍ଲକ ପର୍ଯ୍ୟନ୍ତ ଦୌଡୁଛନ୍ତି ଅସହାୟ ବିଧବା ମହିଳା । ଗଞ୍ଜାମ ଜିଲ୍ଲା ବେଲଗୁଣ୍ଠା ବ୍ଲକ କ୍ଷତ୍ରିୟବରପୁର ପଞ୍ଚାୟତର କ୍ଷତ୍ରିୟବରପୁର ଗ୍ରାମରେ ବସବାସ କରନ୍ତି ସୁଷମା ମୁନିଙ୍କ ପରିବାର । ସ୍ଵାମୀ ସୁରେନ୍ଦ୍ର ମୁନିଙ୍କ ମୃତ୍ୟୁ ପରେ ଦୁଇ କୁନିକୁନି ଝିଅଙ୍କୁ ନେଇ ଏକାକି ରହୁଛନ୍ତି କୁଡ଼ିଆ ଘରେ । ସୁରେନ୍ଦ୍ର ମୁନିଙ୍କ ମୃତ୍ୟୁ ଆଜକୁ ତିନି ବର୍ଷ ହୋଇ ଗଲାଣି । କିପରି ଏହି ଦୁଇ ଝିଅକୁ ଖୁଆଇ ପିଆଇ, ପାଠ ପଢ଼ାଇ ମଣିଷ କରିବେ ସେନେଇ ଚିନ୍ତାରେ ସୁଷମା ।
ଅସହାୟ ଅବସ୍ଥାରେ ବିଧବା ମହିଳା