ହାତୀ ଆକ୍ରମଣରେ ଜଣେ ମୃତ

ଗଞ୍ଜାମ ଜିଲ୍ଲା ତାରସିଂ ରେଞ୍ଜ ଆମ୍ବଝରା ଜଙ୍ଗଲରେ ହାତୀ ଆକ୍ରମଣରେ ଜଣଙ୍କର ମୃତ୍ୟୁ ଘଟିଛି। ମୃତକ ଜଣକ ହେଲେ କଳିଙ୍ଗପଦର ଗ୍ରାମର ଶ୍ୟାମଘନ ଯାନୀ। ଅଧିକ ପଢନ୍ତୁ...

ଭଞ୍ଜନଗର: ହାତୀ ଆକ୍ରମଣରେ ଜଣଙ୍କର ମୃତ୍ୟୁ । ଗଞ୍ଜାମ ଜିଲ୍ଲା ତାରସିଂ ରେଞ୍ଜ ଆମ୍ବଝରା ଜଙ୍ଗଲରେ ହାତୀ ଆକ୍ରମଣରେ ଜଣଙ୍କର ମୃତ୍ୟୁ ଘଟିଛି। ମୃତକ ଜଣକ ହେଲେ କଳିଙ୍ଗପଦର ଗ୍ରାମର ଶ୍ୟାମଘନ ଯାନୀ।

ସେ ଶନିବାର ସକାଳୁ ନିକଟସ୍ଥ ଜଙ୍ଗଲକୁ ଖଲି ପତ୍ର ସଂଗ୍ରହ କରିବାକୁ ଯାଇ ଆଉ ଘରକୁ ଫେରି ନଥିଲେ। ପରିବାର ଲୋକେ ବହୁ ଖୋଜାଖୋଜି କରିବା ପରେ ରବିବାର ଆମ୍ବଝରା ଜଙ୍ଗଲରେ ତାଙ୍କର ମୃତଦେହ ପଡିଥିବା ଦେଖିବାକୁ ପାଇଥିଲେ।

ଘଟଣା ସ୍ଥଳରେ ହାତୀର ପାଦଚିହ୍ନ ଥିବାରୁ ହାତୀ ଆକ୍ରମଣରେ ମୃତ୍ୟୁ ହୋଇଥିବା ସନ୍ଦେହ କରାଯାଉଛି। ସ୍ଥାନୀୟ ଲୋକେ ବନବିଭାଗକୁ ଖବର ଦେବାପରେ ବନ ବିଭାଗ କର୍ମଚାରୀ ଓ ତାରାସିଂ ପୋଲିସ ପହଞ୍ଚି ମୃତଦେହକୁ ଉଦ୍ଧାର କରି ବ୍ୟବଛେଦ ପାଇଁ ଭଞ୍ଜନଗର ମେଡିକାଲକୁ ପଠାଇଛନ୍ତି । ବ୍ୟବଛେଦ ରିପୋର୍ଟ ଆସିବା ପରେ ମୃତ୍ୟୁର ପ୍ରକୃତ କାରଣ ଜଣାପଡିବ।

ଭଞ୍ଜନଗରରୁ ରଞ୍ଜନ ସ୍ବାଇଁ, ଇଟିଭି ଭାରତ