କାଳବୈଶାଖି: ବଜ୍ରପାତରେ ଜଣେ ମୃତ, ୨ ଗୁରୁତର

ଗଞ୍ଜାମ ଜିଲ୍ଲାର ସୋରଡା ଅଞ୍ଚଳରେ କାଳବୈଶାଖିର ପ୍ରଭାବ । ସଂପଲି ନିକଟରେ ଗଛ ତଳେ ଆଶ୍ରୟ ନେଇଥିବା ତିନିଜଣଙ୍କ ଉପରେ ବଜ୍ରପାତ ହୋଇଛି । ଯେଉଁଥିରେ ଜଣଙ୍କର ମୃତ୍ୟୁ ହୋଇଛି । ଅଧିକ ପଢନ୍ତୁ

ଭଞ୍ଜନଗର: ଗଞ୍ଜାମ ଜିଲ୍ଲାର ସୋରଡା ଅଞ୍ଚଳରେ କାଳବୈଶାଖିର ପ୍ରଭାବ ଦେଖିବାକୁ ମିଳିଛି । ଏହାର ପ୍ରଭାବରେ ଘଡ଼ଘଡି ସହ ବର୍ଷା ଓ ପବନ ହୋଇଥିବା ବେଳେ ସଂପଲି ନିକଟରେ ଗଛ ତଳେ ଆଶ୍ରୟ ନେଇଥିବା ତିନିଜଣଙ୍କ ଉପରେ ବଜ୍ରପାତ ଘଟିଛି । ଏଥିରେ ଜଣଙ୍କର ମୃତ୍ୟୁ ହୋଇଥିବା ବେଳେ ଦୁଇଜଣ ଗୁରୁତର ଆହତ ହୋଇଥିଲେ ।

ଖବର ପାଇ ଅଗ୍ନିଶମ ବାହିନୀ ପହଞ୍ଚି ସମସ୍ତଙ୍କୁ ଉଦ୍ଧାର କରି ସୋରଡା ମେଡିକାଲରେ ଭର୍ତ୍ତି କରିଛନ୍ତି । ମେଡିକାଲରେ ଡାକ୍ତର ଜଣକୁ ମୃତ ଘୋଷଣା କରିଥିଲେ ଓ ଅନ୍ୟ ଆହତ ଦୁଇଜଣଙ୍କର ଚିକିତ୍ସିା ଚାଲିଛି । ମୃତକ ଜଣକ ହେଲେ ବଡ଼ଗଡ଼ର ଶିବ ରଞ୍ଜନ ସେଠୀ ।

ଭଞ୍ଜନଗରରୁ ରଞ୍ଜନ ସ୍ୱାଇଁ, ଇଟିଭି ଭାରତ