ଭଞ୍ଜନଗର: ବଜ୍ରପାତରେ ଜଣେ ଯୁବକ ମୃତ ଏବଂ ଅନ୍ୟଜଣେ ଆହତ ହୋଇଛନ୍ତି । ଗଞ୍ଜାମ ଜିଲ୍ଲା ପୋଲସରା ବ୍ଳକ ଅନ୍ତର୍ଗତ ପାଣ୍ଡିରିପଡ଼ା ଡିହ ସାହିର ଦୁଇ ଜଣ ଛେଳି ଚରାଇବାକୁ ଯାଇଥିବା ବେଳେ ଅପରାହ୍ନ ୪ଟା ବେଳେ ଅଚାନକ ବଜ୍ରପାତ ହେଲା । ବଜ୍ରପାତରେ ଗ୍ରାମର ଦୀପକ ଗୌଡ଼ର ମୃତ୍ୟୁ ଘଟିଥିବା ବେଳେ କୈଳାଶ ଗୌଡ଼ ଆହତ ହୋଇଛନ୍ତି ।
ସୂଚନା ଅନୁସାରେ ଗାଁରେ ବଜ୍ରପାତ ହେବା ଖବର ପାଇ ଗ୍ରାମବାସୀ ଉଭୟଙ୍କୁ ପାଣ୍ଡିରିପଡ଼ା ସ୍ବାସ୍ଥ୍ୟ କେନ୍ଦ୍ରକୁ ନେଇ ପ୍ରାଥମିକ ଚିକିତ୍ସା ପରେ ୧୦୮ ଦ୍ବାରା ପୋଲସରା ଗୋଷ୍ଠୀ ସ୍ବାସ୍ଥ୍ୟ କେନ୍ଦ୍ରକୁ ଆଣିଥିଲେ । ଏଠାରେ ଡାକ୍ତର ଦୀପକ ଗୌଡ଼ଙ୍କୁ ମୃତ ଘୋଷଣା କରିଥିଲେ । କୈଳାଶ ବର୍ତ୍ତମାନ ମେଡିକାଲରେ ଚିକିତ୍ସିତ ହେଉଛନ୍ତି ।