ଭଞ୍ଜନଗର: ଦେଶରେ କୋରୋନା ଆତଙ୍କ ଦେଖାଯାଇଛି । କୋରୋନା ସଂକ୍ରମଣରୁ ରକ୍ଷା ପାଇବା ପାଇଁ ସରକାର ସାମାଜିକ ଦୂରତାକୁ ପ୍ରମୁଖ ନିରାକରଣର ମାଧ୍ୟମ ଭାବେ ଘୋଷଣା କରିଛନ୍ତି । ଏହାର ପାଳନକୁ ମଧ୍ୟ ବାଧ୍ୟତାମୂଳକ କରିଛନ୍ତି । ସାଧାରଣ ଲୋକେ କିପରି ସାମାଜିକ ଦୂରତା ରକ୍ଷା କରିବେ ସେଥିପାଇଁ ମଧ୍ୟ ସରକାର ବିଭିନ୍ନ ପଦକ୍ଷେପ ଗ୍ରହଣ କରିଛନ୍ତି । ହେଲେ ଖୋଦ ସରକାରଙ୍କ ମନ୍ତ୍ରୀ ଏହି ନିର୍ଦ୍ଦେଶାନାମାକୁ ଆଖିଠାର କରୁଥିବାର ଦେଖିବାକୁ ମିଳିଛି । ଏପରି ଦେଖିବାକୁ ମିଳିଛି ଗଞ୍ଜାମ ଜିଲ୍ଲାର ଭଞ୍ଜନଗରରେ ।
ସାମାଜିକ ଦୂରତ୍ବକୁ ମନ୍ତ୍ରୀଙ୍କ ଆଖିଠାର, ନିୟମ ନମାନି କୋରୋନା ଯୋଦ୍ଧାଙ୍କୁ ସମ୍ମାନ
ଭଞ୍ଜନଗରରେ କୋରୋନା ଯୋଦ୍ଧାମାନଙ୍କୁ ସମ୍ମାନିତ କରାଯାଉଥିବା ବେଳେ ସରକାରଙ୍କ ଜଙ୍ଗଲ ପରିବେଶ ଓ ସଂସଦୀୟ ବ୍ୟାପାର ମନ୍ତ୍ରୀ ବିକ୍ରମ କେଶରୀ ଆରୁଖ ସାମାଜିକ ଦୂରତାକୁ ବେଖାତିର କରି କୋରୋନା ଯୋଦ୍ଧାମାନଙ୍କୁ ଅତି ପାଖରୁ ଉତ୍ତରୀୟ ପ୍ରଦାନ କରୁଛନ୍ତି ।