ବ୍ରହ୍ମପୁର:ସ୍ଥାୟୀ ନିଯୁକ୍ତି ଦାବି କରି ବ୍ରହ୍ମପୁରରେ ଏକତ୍ରିତ ହେଲେ ଓଡ଼ିଶା ସ୍ବାସ୍ଥ୍ୟ ଠିକା କର୍ମଚାରୀ ମହାସଂଘ । ସହରର ଡାଇମନ୍ ଜୁବୁଲି ଟାଉନ୍ ହଲ ପରିସରରେ ଏନେଇ ମହାସଂଘ ପକ୍ଷରୁ ଠିକା ବ୍ୟବସ୍ଥା ଉଚ୍ଛେଦ କରି ସ୍ଥାୟୀ ନିଯୁକ୍ତି ଦାବି କରାଯାଇଛି । ରାଜ୍ୟର ସମସ୍ତ ଠିକା କର୍ମଚାରୀମାନଙ୍କୁ ସରକାର ସ୍ଥାୟୀ ନିଯୁକ୍ତି ଦେଇଥିଲେ ମଧ୍ୟ ରାଜ୍ୟରେ ଦୀର୍ଘ ୨୦ ବର୍ଷ ଧରି କାର୍ଯ୍ୟ କରୁଥିବା ଏହି ସ୍ବାସ୍ଥ୍ୟ ଠିକା କର୍ମଚାରୀଙ୍କ ବିଷୟ ଚିନ୍ତା କରାଯାଉନଥିବା ଅଭିଯୋଗ କରିଛି ଓଡ଼ିଶା ସ୍ବାସ୍ଥ୍ୟ ଠିକା କର୍ମଚାରୀ ମହାସଂଘ ।
ଗଞ୍ଜାମ ଜିଲ୍ଲାରେ ସ୍ବାସ୍ଥ୍ୟ ବିଭାଗର ଚୁକ୍ତି ଭିତ୍ତିରେ ନିଯୁକ୍ତି ପାଇଥିବା ପ୍ରାୟ ଛଅଶହ ଠିକା ସ୍ବାସ୍ଥ୍ୟ କର୍ମଚାରୀମାନେ ଏକତ୍ରିତ ହୋଇଛନ୍ତି । ଠିକା ବ୍ୟବସ୍ଥା ଉଚ୍ଛେଦ କରି ସ୍ଥାୟୀ ନିଯୁକ୍ତି ଦାବିକୁ ଜୋରଦାର କରିବା ପାଇଁ ଚେତାବନୀ ଦେଇଛି ସଂଘ । ଏହି କର୍ମଚାରୀମାନଙ୍କ ସକାଶେ ମହାମାରୀ କୋରୋନା ପରିଚାଳନା ଏବଂ ଟୀକାକରଣକୁ ସଫଳ ରୂପାୟନ ଦିଆଯାଇଥିଲା । କୋରୋନା ମହାମାରୀ ସହିତ ଲଢେଇ କରିବା ଓ ମୁଖ୍ୟମନ୍ତ୍ରୀଙ୍କ ଟୀକାକରଣ କାର୍ଯ୍ୟକ୍ରମକୁ ସଫଳ କରିବାରେ ସ୍ବାସ୍ଥ୍ୟ କର୍ମଚାରୀମାନେ ଦିନ ରାତି ଏକ କରି ଗଞ୍ଜାମକୁ ଶ୍ରେଷ୍ଠ ଜିଲ୍ଲାରେ ପରିଣତ କରିଥିଲେ ।