ବ୍ରହ୍ମପୁର: ହଲିଉଡ଼ ଚଳଚ୍ଚିତ୍ରରେ ଓଡ଼ିଆ ଝିଅଙ୍କ କମାଲ । ସ୍ପାଇଡର ମ୍ୟାନ ନୋ ଓ୍ବେର ହଲିଉଡ ଚଳଚ୍ଚିତ୍ରର ସେଟ ଡିଜାଇନ କରି ଚହଳ ସୃଷ୍ଟି କରିଛନ୍ତି ଗଞ୍ଜାମ ଜିଲ୍ଲା ଖଲ୍ଲିକୋଟ ସହରର ଓଡ଼ିଆ ଝିଅ ସିଲଭିଆ ମହାପାତ୍ର। ଯାହାକି ହଜାର ହଜାର କୋଟି ଟଙ୍କାର ବ୍ୟବସାୟ କରିଥିବା ଜଣାପଡ଼ିଛି ।
ଖଲ୍ଲିକୋଟ କରଣ ସାହିର ନିବାସୀ ପ୍ରଫେସର ଅଜିତ ମହାପାତ୍ରଙ୍କ ଜ୍ୟେଷ୍ଠ କନ୍ୟା ସିଲଭିଆ ମହାପାତ୍ର । ଗତ ଡିସେମ୍ବର ୧୭ ତାରିଖରେ ରିଲିଜ ହୋଇଥିବା ମେଗା ସିନେମା ସ୍ପାଇଡର ମ୍ୟାନ ନୋ ଓ୍ବେ ହୋମ ବକ୍ସ ଅଫିସରେ ଧମାକା ଦେଖାଇଛି । ଯାହାକି ପ୍ରଥମ ୧୦ ଦିନରେ ୭୫୦୦ କୋଟି ଟଙ୍କାର ବ୍ୟବସାୟ କରିବାରେ ସକ୍ଷମ ହୋଇଥିଲା । ଭାରତରେ ଏହି ସମୟରେ ୧୬୫ କୋଟିର ବ୍ୟବସାୟ କରିଛି। ଏହି ସିନେମାର ସେଟ ଡିଜାଇନର ସିଲଭିଆ ସିନେପ୍ରେମୀ ଓ ଦର୍ଶକଙ୍କ ମନ ମୋହିଛନ୍ତି । ସିଲଭିଆଙ୍କ ବାପା ଅଜିତ ମହାପାତ୍ର ଓ ମାଆ ନଳିନୀ ପଟ୍ଟନାୟକ ଆମେରିକାର ଜର୍ଜିଆ ବିଶ୍ବ ବିଦ୍ୟାଳୟରେ କାର୍ଯ୍ୟରତ ଥିବା ଜଣାପଡ଼ିଛି ।