ନବବିବାହିତ ଯୁବକଙ୍କୁ ନିର୍ମମ ହତ୍ୟା

ନବବିବାହିତ ଯୁବକଙ୍କୁ ବିଭତ୍ସ୍ୟ ହତ୍ୟା। ଗତ 3 ଦିନ ତଳେ ବିବାହ କରିଥିବା ଏକ ଯୁବକଙ୍କୁ ଗାଧେଇବାକୁ ଯାଇଥିବା ବେଳେ ହତ୍ୟା କରାଯାଇଛି। ଏଭଳି ଅଭାବନୀୟ ଘଟଣା ଘଟଛି ଗଞ୍ଜାମ ଜିଲ୍ଲାରେ।

ଭଞ୍ଜନଗର: ନବବିବାହିତ ଯୁବକଙ୍କୁ ନିର୍ମମ ହତ୍ୟା । ଏଭଳି ଅଭାବନୀୟ ଘଟଣା ଘଟିଛି ଗଞ୍ଜାମ ଜିଲ୍ଲା ଜଗନ୍ନାଥପ୍ରସାଦ ଥାନା ଅଧିନସ୍ଥ ଅଲାଡି ଗାଁରେ । ମୃତକ ହେଲେ ଦୀନବନ୍ଧୁ ସ୍ବାଇଁ । ଗତ 3 ଦିନ ତଳେ ତାଙ୍କର ବିବାହ ହୋଇଥିଲା ।

ଶନିବାର ଦୀନବନ୍ଧୁ ଘର ନିକଟସ୍ଥ ଏକ ପୋଖରୀକୁ ଗାଧେଇବାକୁ ଯାଇଥିଲେ । ହଠାତ୍ 3ଜଣ ମୁଖାପିନ୍ଧା ଯୁବକ ଆସି ତାଙ୍କୁ ଧାରୁଆ ଅସ୍ତ୍ରରେ ଆକ୍ରମଣ କରିଥିଲେ । ସଙ୍ଗେ ସଙ୍ଗେ ପରିବାର ଲୋକେ ତାଙ୍କୁ ଜଗନ୍ନାଥ ପ୍ରସାଦ ମେଡିକାଲରେ ଭର୍ତ୍ତି କରିଥିଲେ । ହେଲେ ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ। ଅନ୍ୟପଟେ କିଏ ଓ କାହିଁକି ତାଙ୍କୁ ହତ୍ୟା କଲା ତାହା ଜଣାପଡି ନଥିବା ବେଳେ ଘଟଣାସ୍ଥଳରେ ପୋଲିସ ପହଞ୍ଚି ତଦନ୍ତ ଆରମ୍ଭ କରିଛି ।

ଭଞ୍ଜନଗରରୁ ରଞ୍ଜନ ସ୍ବାଇଁ, ଇଟିଭି ଭାରତ