ବ୍ରହ୍ମପୁର: ଓଡ଼ିଶା ପୋଲିସର ସବ-ଇନସପେକ୍ଟର (SI) ଭାବରେ ନିଯୁକ୍ତି ପାଇଥିବା ୮ ଜଣ ବିଦ୍ୟାର୍ଥୀ (Newly appointed police SI in Odisha Police)ଙ୍କୁ ବ୍ରହ୍ମପୁର ସହରରେ ଦିଆଯାଇଛି ସମ୍ବର୍ଦ୍ଧନା । ରାଜ୍ୟର ବିଭିନ୍ନ ସ୍ଥାନରୁ ବ୍ରହ୍ମପୁର ସହରରେ ରହି ସ୍ଥାନୀୟ ଫିଜିକାଲ ଏକାଡୋମିରେ ନିୟମିତ ଭାବରେ ଶାରୀରିକ ଦକ୍ଷତା ବୃଦ୍ଧି ପାଇଁ ତାଲିମ ନେଇ ଆସୁଥିଲେ ଏମାନେ । ତେବେ ଏମାନେ ନିଯୁକ୍ତି ପାଇବା ପରେ ସବୁଠି ଖୁସିର ମାହୋଲ ଦେଖିବାକୁ ମିଳିଛି ।
ଏହାକୁ ନେଇ ସହର ଉପକଣ୍ଠ ରଙ୍ଗେଇଲୁଣ୍ଡା ଏୟାରଷ୍ଟ୍ରିପ ମଧ୍ୟରେ ଅନୁଷ୍ଠାନର ସମସ୍ତ ବିଦ୍ୟାର୍ଥୀଙ୍କ ଉପସ୍ଥିତିରେ ଏଭଳି ସମ୍ବର୍ଦ୍ଧିତ କରାଯିବା ସହ ଆଗାମୀ ଦିନରେ ପୋଲିସ ବିଭାଗର ଭଲ କାର୍ଯ୍ୟ କରିବାକୁ ଆହ୍ବାନ କରାଯାଇଥିଲା । ୨୦୧୮ ମସିହାରେ ହୋଇଥିବା ପୋଲିସ ଏସ.ଆଇ ପରୀକ୍ଷାରେ ବ୍ରହ୍ମପୁର ସହରର ଅତ୍ରାହି ଭଞ୍ଜନ ସାମଲ, ଭବାନୀ ଶଙ୍କର ନାୟକ, ସୀମାଞ୍ଚଳ ମଣ୍ଡଳ, ସୁରଜ୍ ପାଇକ, ଭଞ୍ଜନଗର ଅଞ୍ଚଳର ବିନ୍ମୟ ପାତ୍ର, ଚିକିଟି ଅଞ୍ଚଳର ତୋଫାନ କୁମାର ସେଠୀ, ବାଲେଶ୍ଵର ଅଞ୍ଚଳର ମାନସ କୁମାର ବେହେରା ଓ ରାଜଧାନୀ ଭୁବନେଶ୍ଵରର ଶ୍ରୀବତ୍ସ ମହାନ୍ତି ଏହି ନିଯୁକ୍ତି ପାଇଛନ୍ତି ।
ଏହା ବି ପଢନ୍ତୁ- ବ୍ରହ୍ମପୁରରେ ବିଜେଡିର ଜନସମ୍ପର୍କ ପଦଯାତ୍ରା: ସାମିଲ ହେଲେ ବିଧାୟକ, ମେୟର