ଭଞ୍ଜନଗର: ଭୂତକୋଠି ପାଲଟିଲାଣି ନୂତନ ଆଞ୍ଚଳିକ ପରିବହନ କାର୍ଯ୍ୟାଳୟ । ଉଦଘାଟନର ବର୍ଷେ ପରେ ମଧ୍ୟ କାର୍ଯ୍ୟକ୍ଷମ ହୋଇପାରିନାହିଁ । କୋଟି କୋଟି ବ୍ୟୟ ଅଟକଳରେ ଗଞ୍ଜାମ ଜିଲ୍ଲା ଭଞ୍ଜନଗର ଠାରେ ନୂତନ ଭାବେ ନିର୍ମାଣ ହୋଇଥିବା ସରକାରୀ କୋଠା ବନ୍ଦ ପଡିଥିବା ନେଇ ଜନ ଅସନ୍ତୋଷ ଦେଖିବାକୁ ମିଳିଛି ।
କାର୍ଯ୍ୟକ୍ଷମ ହେଉନି ନୂତନ ପରିବହନ କାର୍ଯ୍ୟାଳୟ
ନୂତନ ଆଞ୍ଚଳିକ ପରିବହନ କାର୍ଯ୍ୟାଳୟକୁ ଉଦଘାଟନର ଏକ ବର୍ଷ ବିତିଯାଇଥିଲେ ମଧ୍ୟ କାର୍ଯ୍ୟକ୍ଷମ ନହୋଇ ପୁରୁଣା କୋଠାରେ କାର୍ଯ୍ୟାଳୟ ଚାଲୁଛି। ଆବଶ୍ୟକ ଭିତ୍ତିଭୂମୀ ନଥିବା ଯୋଗୁଁ ଦୂର ଦୂରାନ୍ତରୁ ଆସୁଥିବା ଲୋକମାନେ ଅସୁବିଧାର ସମୁଖୀନ ହେଉଥିବା ଅଭିଯୋଗ କରିଛନ୍ତି । ପୁରୁଣା କାର୍ଯ୍ୟାଳୟରେ ଲୋକଙ୍କ ବସିବାକୁ ଜାଗା ନଥିବା ବେଳେ ଗାଡ଼ି ପାର୍କିଂର ମଧ୍ୟ ସୁବିଧା ନାହିଁ । ଏପରିକି ଡ୍ରାଇଭିଙ୍ଗ ଟେଷ୍ଟ ପାଇଁ ଦୂରକୁ ଯିବାକୁ ପଡୁଛି ।