ବ୍ରହ୍ମପୁର: ଜିଏସଟି ବ୍ୟବସ୍ଥାରେ ସରଳୀକରଣ କରିବା ଦାବିରେ ଆସନ୍ତା 26 ତାରିଖରେ ସାରା ଦେଶରେ ବ୍ୟବସାୟ ବନ୍ଦ କରାଯିବ । ଏ ନିଷ୍ଷତ୍ତିକୁ ସମର୍ଥନ ଜଣାଇ ଗଞ୍ଜାମ ଠାରେ ଚାମ୍ବର ଅଫ୍ କମର୍ସ ପକ୍ଷରୁ ଏକ ମୋଟର ସାଇକେଲ ଶୋଭାଯାତ୍ରା କରାଯାଇଛି । ବ୍ୟବସାୟୀ ମାନେ ଏହି ଅବସରରେ ସହରର ଚାମ୍ବର ଅଫ୍ କମର୍ସ କାର୍ଯ୍ୟାଳୟ ନିକଟରୁ ଶୋଭାଯାତ୍ରାରେ ବାହାରିଥିଲେ ।
ଭାରତ ବ୍ୟବସାୟ ବନ୍ଦ ଡାକରାକୁ ସମର୍ଥନ: ଚାମ୍ବର ଅଫ୍ କମର୍ସର ମୋଟର ସାଇକେଲ ଶୋଭାଯାତ୍ରା ଆସ୍କା ରୋଡ, ଗେଟବଜାର, କମାପଲ୍ଲୀ, ଖୋଡାସିଙ୍ଗି, ଲାଞ୍ଜିପଲ୍ଲୀ ଓଭରବ୍ରିଜ୍ ଏବଂ°କମାପଲ୍ଲୀ ଓଭରବ୍ରିଜ୍ ଦେଇ ଦକ୍ଷିଣାଞ୍ଚଳ ରାଜସ୍ବ କମିଶନରଙ୍କ କାର୍ଯ୍ୟାଳୟରେ ପହଞ୍ଚିଥିଲେ ବ୍ୟବସାୟୀ । ଦାବି ସମ୍ପର୍କରେ ଦର୍ଶାଇ ପ୍ରଧାନମନ୍ତ୍ରୀଙ୍କ ନିକଟକୁ ଏକ ସ୍ମାରକପତ୍ର ପ୍ରଦାନ ପଠାଇଛନ୍ତି ବ୍ୟବସାୟୀ । ଏଥିରେ ସହରର ବିଭିନ୍ନ ବ୍ୟବସାୟୀ ସଂଘର କର୍ମକର୍ତ୍ତାଙ୍କ ସମେତ ଚାମ୍ବର ଅଫ୍ କମର୍ସର କର୍ମକର୍ତ୍ତା ଓ ସଦସ୍ୟ ମାନେ ଉପସ୍ଥିତ ରହିଥିଲେ । ଆଗାମୀ ବନ୍ଦ ପାଳନରେ ସମସ୍ତଙ୍କ ସହଯୋଗ ଆଶା କରାଯାଇଛି।
ବ୍ରହ୍ମପୁରରୁ ସମୀର ଆଚାର୍ଯ୍ୟ, ଇଟିଭି ଭାରତ
