ବ୍ରହ୍ମପୁର: ଗଞ୍ଜାମ ଜିଲ୍ଲାରେ ରବିବାର ମୋ କଲେଜ ଅଭିଯାନର ଉଦଘାଟନ କରାଯାଇଛି । ଏହି ଅଭିଯାନ ପୁରାତନ ବିଦ୍ୟାର୍ଥୀଙ୍କୁ ଏକତ୍ରିତ କରିବାର ମୁଖ୍ୟ ମାଧ୍ୟମ ସାଜିବ ବୋଲି ଉଦଘାଟନୀ ଉତ୍ସବରେ ଯୋଗ ଦେଇଥିବା ବିଶ୍ବବିଦ୍ୟାଳୟର ପୁରାତନ ବିଦ୍ୟାର୍ଥୀମାନେ ମତ ରଖିଛନ୍ତି ।
ଗଞ୍ଜାମରେ ମୋ କଲେଜ ଅଭିଯାନ ଉଦଘାଟିତ
ସରକାରଙ୍କ ଏହି ଅଭିଯାନ ମହାବିଦ୍ୟାଳୟର ପୁରାତନ ବିଦ୍ୟାର୍ଥୀଙ୍କୁ ଏକତା ଡୋରୀରେ ବାନ୍ଧି ରଖିବାର ପ୍ରମୁଖ ମାଧ୍ୟମ ସାଜିବ । ଯାହାକି ପୁରାତନ ବିଦ୍ୟାର୍ଥୀମାନଙ୍କ ଅତୀତ ଏବ° ବର୍ତ୍ତମାନ ମଧ୍ୟରେ ଏକ ପ୍ରମୁଖ ଯୋଗସୂତ୍ର ଭାବରେ ମହାବିଦ୍ୟାଳୟର ସର୍ବାଙ୍ଗୀନ ବିକାଶ ପାଇଁ ଏହା ଅନେକ ମାତ୍ରାରେ ସହାୟ ହେବ । ରାଜ୍ୟରେ ମୋ ସ୍କୁଲ ପରେ ମୋ କଲେଜ ଅଭିଯାନକୁ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଉଦଘାଟନ କରିବା ସହ ଡିଜିଟାଲ ମାଧ୍ୟମରେ ଏହି କାର୍ଯ୍ୟକ୍ରମରେ ଗଞ୍ଜାମ ଜିଲ୍ଲାର ପୁରାତନ ବିଦ୍ୟାର୍ଥୀଙ୍କ ସମେତ ବିଶ୍ବବିଦ୍ୟାଳୟର ପୁରାତନ ବିଦ୍ୟାର୍ଥୀମାନେ ସାମିଲ ହୋଇଥିଲେ ।