ଭଞ୍ଜନଗର: ଲକଡାଉନରେ ହନ୍ତସନ୍ତ ହେଉଛନ୍ତି ଦାଦନ ଶ୍ରମିକ । ତାଲା ବନ୍ଦ ଯୋଗୁଁ ଖାଦ୍ୟ ଅଭାବରେ ଚାଲି ଚାଲି ଫେରୁଛନ୍ତି ନିଜ ଅଞ୍ଚଳକୁ । ଏଭଳି ଏକ ଘଟଣା ଦେଖିବାକୁ ମିଳିଛି ଗଞ୍ଜାମର ଭଞ୍ଜନଗରେ । ବଲାଙ୍ଗୀର ଓ ବରଗଡ ଜିଲ୍ଲାରୁ ବ୍ରହ୍କପୁରକୁ କାମ କରିବାକୁ ଆସିଥିବା ଦାଦନ ଲକଡାଉନ ଯୋଗୁଁ ଖାଇବାକୁ ନପାଇ ନିଜ ଅଞ୍ଚଳକୁ ଫେରୁଥିବା ବେଳେ ଭଞ୍ଜନଗର ଅଞ୍ଚଳରେ ପ୍ରଶାସନ ପକ୍ଷରୁ ତାଙ୍କୁ ଖାଦ୍ୟ, ଥଇଥାନ ଓ ଚିକିତ୍ସା ବ୍ୟବସ୍ଥା କରାଯାଇଛି ।
କୋରୋନା ଯନ୍ତ୍ରଣା, ଘରକୁ ଫେରିବାକୁ ମାଇଲ ମାଇଲ ଚାଲୁଛନ୍ତି ଦାଦନ ଶ୍ରମିକ
ବଲାଙ୍ଗୀର ଓ ବରଗଡ଼ ଜିଲ୍ଲାର 60 ଦାଦନ ଶ୍ରମିକ କିଛିଦିନ ତଳେ ବ୍ରହ୍ମପୁର ଅଂଚଳରେ ମଜୁରୀ କାମ କରିବା ପାଇଁ ଇଟାଭାଟି ଆସିଥିଲେ । ହେଲେ ଲକଡାଉନ ହୋଇଯାଇଥବା ବେଳେ ଆଉ କାମ ଧନ୍ଦା ପାଇଲେ ନାହିଁ । ଯାହା କିଛି ରୋଜଗାର ଥିଲା ସବୁ ସରିଗଲା । ଏଭଳିସ୍ଥଳେ ପ୍ରଶାସନ ପକ୍ଷରୁ ବି କୌଣସି ସାହାଯ୍ୟ ନ ମିଳିବାରୁ ଭୋକ ଉପବାସରେ ଶେଷରେ ଚାଲିଚାଲି ଘରକୁ ଫେରିଯିବାକୁ 60 ଶ୍ରମିକ ବ୍ରହ୍ମପୁରରୁ ବାହାରି ଆଜି ଭଞ୍ଜନଗରରେ ପହଞ୍ଚିଥିଲେ ।