ଭଞ୍ଜନଗର: ଗଞ୍ଜାମ ଜିଲ୍ଲା ସୋରଡା ଥାନା ସୋରିସବିଲ୍ଲୀ ଗ୍ରାମରେ ବିବାହିତ ମହିଳାଙ୍କୁ ତଣ୍ଟି ଚିପି ହତ୍ୟା କରାଯାଇଥିବା ଅଭିଯୋଗ ହୋଇଛି । ଅଭିଯୋଗ ପରେ ଘଟଣାସ୍ଥଳରେ ସୋରଡା ପୋଲିସ ପହଞ୍ଚି ସ୍ବାମୀ ଧର୍ମେନ୍ଦ୍ରଙ୍କୁ ଅଟକ ରଖିଛି । ବ୍ୟବଚ୍ଛେଦ ରିପୋର୍ଟ ଆସିବା ପରେ ମହିଳାଙ୍କ ମୃତ୍ୟୁର କାରଣ ଜଣାପଡିବ ବୋଲି ପୋଲିସ କହିଛି ।
ବିବାହିତା ମହିଳାଙ୍କୁ ତଣ୍ଟି ଚିପି ହତ୍ୟା ଅଭିଯୋଗ
ମୃତକ ଜଣକ ହେଉଛନ୍ତି ବଡଗଡ ଗ୍ରାମର ହିନ ସ୍ଵାଇଁଙ୍କ ଝିଅ ରିଙ୍କି ସ୍ଵାଇଁ । ତେବେ ସୋରିସବିଲ୍ଲୀ ଗ୍ରାମର ଜୟରାମ ସ୍ଵାଇଁଙ୍କ ପୁଅ ଧର୍ମେନ୍ଦ୍ର ସ୍ଵାଇଁଙ୍କୁ ଯୌତୁକ ଦେଇ ଦୁଇ ବର୍ଷ ତଳେ ମୃତ ମହିଳା ରିଙ୍କିଙ୍କ ବିବାହ ହୋଇଥିଲେ । ସ୍ଵାମୀ ଅଧିକାଂଶ ସମୟରେ ମଦ୍ୟପାନ କରି ମହିଳାଙ୍କୁ ପିଟୁଥିଲେ । ବୁଧବାର ଧର୍ମେନ୍ଦ୍ର ନାଟକ ଦେଖିବା ପାଇଁ ଶ୍ବଶୁର ଘର ଲୋକଙ୍କୁ ଫୋନ ଯୋଗେ ନିମନ୍ତ୍ରଣ କରିଥିଲେ । କିନ୍ତୁ ରାତି ପ୍ରାୟ 12ଟା ସମୟରେ ପୁଣି ଫୋନ କରି ରିଙ୍କିଙ୍କ ମୃତ୍ୟୁ ହୋଇଯାଇଥିବା ସମ୍ପର୍କରେ ସେମାନଙ୍କୁ ସୂଚନା ଦେଇଥିଲେ ।