ପାରିବାରିକ କଳହ: ଦେହରେ ନିଆଁ ଲଗାଇ ବିବାହିତ ଯୁବକଙ୍କ ଆତ୍ମହତ୍ୟା

ପାରିବାରିକ କଳହର କରୁଣ ପରିଣତି ଦେଖିବାକୁ ମିଳିଛି । ଗଞ୍ଜାମ ସୋରଡା ଥାନା ଅଞ୍ଚଳରେ ଜଣେ ବିବାହିତ ଯୁବକ ଆତ୍ମହତ୍ୟା କରିଥିବା ଦେଖିବାକୁ ମିଳିଛି । ଅଧିକ ପଢନ୍ତୁ

ଭଞ୍ଜନଗର:ଗଞ୍ଜାମ ଜିଲ୍ଲା ସୋରଡା ଥାନା ଅଞ୍ଚଳରେ ପାରିବାରିକ କଳହର କରୁଣ ପରିଣତି ଦେଖିବାକୁ ମିଳିଛି । ଯୁବକ ଜଣକ ନିଜ ଦେହର ପେଟ୍ରୋଲ ଢାଳି ନିଆଁ ଲଗାଇ ଆତ୍ମହତ୍ୟା କରିଛନ୍ତି । ଜିଲ୍ଲା ସୋରଡା ଥାନା ନିକଟ ଦାରିଙ୍ଗିବାଡି ଘାଟିର 13 ନମ୍ବର ଟର୍ଣ୍ଣିଂରେ ଯୁବକଙ୍କ ମୃତଦେହ ମିଳିବା ପରେ ପୋଲିସ ପ୍ରାଥମିକ ତଦନ୍ତରୁ ଏ ସମ୍ପର୍କରେ ସୂଚନା ମିଳିଛି ।

ମୃତ ଯୁବକ ଜଣକ ହେଲେ ସୋରଡା ଗାଙ୍ଗପୁର ଗ୍ରାମର ଚିତ୍ତ ରଞ୍ଜନ ବିଷୋୟୀ । ସେ ବିବାହିତ ହୋଇଥିବା ବେଳେ ସ୍ତ୍ରୀ ଓ ଦୁଇଟି ସନ୍ତାନଙ୍କ ସହ ବାସ କରୁଥିଲେ । ମିଳିଥିବା ସୂଚନା ଅନୁସାରେ ସ୍ଵାମୀ ସ୍ତ୍ରୀଙ୍କ ମଧ୍ୟରେ କଳହ ଲାଗି ରହୁଥିଲା । ତେବେ ଘଟଣାସ୍ଥଳରୁ ବାଇକ ରାସ୍ତା କଡ଼ରେ ରଖାଯାଇଥିବାବେଳେ ଚିତ୍ତ ରଞ୍ଜନଙ୍କ ମୃତଦେହ ଘାଟିର 50 ଫୁଟ ତଳୁ ଉଦ୍ଧାର କରାଯାଇଛି । ଏହାସହ ଘଟଣାସ୍ଥଳରୁ ପୋଲିସ ଫିନାଇଲ ବୋତଲ, ଦିଆସିଲି, ପେଟ୍ରୋଲ ବୋତଲ, ପୋଡା ଚପଲ ସହିତ ରାସ୍ତା କଡରେ ପୋଡା ଅଂଶକୁ ଚିହ୍ନଟ କରିଛି ପୋଲିସ ।

ମୃତ ଯୁବକ ଜଣକ ନିଜେ ଫିନାଇଲ ପିଇ ପେଟ୍ରୋଲ ଢାଳି ଆତ୍ମହତ୍ୟା କରିଛନ୍ତି ଯାହା ପ୍ରାଥମିକ ତଦନ୍ତରୁ ଜଣାପଡିଛି ବୋଲି ପୋଲିସ କହିଛି । ଘଟଣାସ୍ଥଳରେ ମୃତ ବ୍ୟକ୍ତିଙ୍କ ଭାଇ ପହଞ୍ଚି ମୃତଦେହକୁ ଉଦ୍ଧାର କରି ବ୍ୟବଚ୍ଛେଦ ପାଇଁ ପଠାଯାଇଛି । ତେବେ ରିପୋର୍ଟ ଆସିଲେ ପ୍ରକୃତ ସତ୍ୟତା ଜଣାପଡିବ ବୋଲି କହିଛନ୍ତି ସୋରଡା ଥାନା ଅଧିକାରୀ ରମେଶ ଚନ୍ଦ୍ର ପ୍ରଧାନ ।

ଭଞ୍ଜନଗରରୁ ରଞ୍ଜନ ସ୍ବାଇଁ, ଇଟିଭି ଭାରତ