ବ୍ରହ୍ମପୁର: ଭାରତକୁ ସ୍ବାଧୀନତା ଆଣିବା ପାଇଁ ଦେଶବ୍ୟାପୀ ବିଭିନ୍ନ ସ୍ଥାନରେ ଦେଖିବାକୁ ମିଳିଥିଲା ଆନ୍ଦୋଳନ । ସେଥିମଧ୍ୟରୁ ଲବଣ ସତ୍ୟାଗ୍ରହରେ ଗଞ୍ଜାମ ଜିଲ୍ଲାର ହୁମ୍ମା ଅଞ୍ଚଳର ଭୂମିକା ଗୁରୁତ୍ବପୂର୍ଣ୍ଣ । ଇଂରେଜ ସରକାରଙ୍କ ବିରୋଧରେ ହୋଇଥିବା ଏହି ଆନ୍ଦୋଳନରେ ଜାତିର ପିତା ମହାତ୍ମାଗାନ୍ଧୀଙ୍କ ଡାକରାରେ ସାମିଲ ହୋଇଥିଲେ ହଜାର ହଜାର ଲବଣ ସତ୍ୟାଗ୍ରହୀ। ଯାହାକି ଇତିହାସ ପୃଷ୍ଠାରେ ଜୀବନ୍ତ ହୋଇରହିଛି ।
ଏପରିକି ନିଜ ଜମିରେ ଚାଷୀମାନେ ଲୁଣ ମାରି ଗୋରା ସରକାରଙ୍କ ଜୁଲମକୁ ପ୍ରତିବାଦ କରିଥିଲେ । ହୁମ୍ମାର ସେହି ଲବଣ ଶ୍ରମିକଙ୍କ ଆନ୍ଦୋଳନରେ ସାମିଲ ହୋଇଥିଲେ ମହାତ୍ମାଗାନ୍ଧୀ । ଏପରିକି ବାପୁଜୀ ଟ୍ରେନ ଯୋଗେ ରମ୍ଭାରେ ପହଞ୍ଚିବା ପରେ ସେଠାରୁ ପାଦରେ ଚାଲି ଚାଲି ହୁମ୍ମା ପହଞ୍ଚି ଲବଣ ସତ୍ୟାଗ୍ରହ ପଡିଆରେ ପହଞ୍ଚି ଉପସ୍ଥିତ ଆନ୍ଦୋଳନକାରୀ ସହ ଆଲୋଚନା କରିବା ସହ ଉଦବୋଧନ ଦେଇଥିଲେ ।
ଭିଡିଓ ସୌଜନ୍ୟ: ସମ୍ବାଦଦାତା, ବ୍ରହ୍ମପୁର