ପୋଖରୀରେ ଭାସୁଛନ୍ତି ଶହଶହ ମଲା ମାଛ

ବ୍ରହ୍ମପୁର ମହାନଗର ନିଗମ ଅନ୍ତର୍ଗତ ୩୫ ନମ୍ୱର ୱାର୍ଡର ଲାଞ୍ଜିପଲ୍ଲୀ ଅଞ୍ଚଳର ଏକ ପୋଖରୀରେ ମାଛ ମଡକ ଦେଖିବାକୁ ମିଳିଛି । ଅଧିକ ପଢନ୍ତୁ...

ବ୍ରହ୍ମପୁର: ବ୍ରହ୍ମପୁର ମହାନଗର ନିଗମ ଅନ୍ତର୍ଗତ ୩୫ ନମ୍ୱର ୱାର୍ଡର ଲାଞ୍ଜିପଲ୍ଲୀ ଅଞ୍ଚଳର ଏକ ପୋଖରୀରେ ମାଛ ମଡକ ଦେଖିବାକୁ ମିଳିଛି । ସ୍ଥାନୀୟ ମୁନିସିପାଲିଟି କୋଲେନୀ ପୋଖରୀର ଚତୁଃପାର୍ଶ୍ୱରେ ଏଭଳି ଶହ ଶହ ସଂଖ୍ୟାରେ ମାଛ ମରି ପାଣି ଉପରେ ଭାସୁଥିବା ଦେଖିବାକୁ ମିଳିଛି । ଗତ ଦୁଇ ଦିନ ଧରି ଏପରି ଦେଖିବାକୁ ମିଳିଥିବା ବେଳେ ଶୁକ୍ରବାର ସ୍ଥାନୀୟ ବାସିନ୍ଦା ପ୍ରଶାସନକୁ ଅବଗତ କରାଇଥିଲେ ।

ହେଲେ କେଉଁ କାରଣ ପାଇଁ ଏତେ ପରିମାଣର ମାଛ ଗୁଡିକ ମରିଗଲେ ତାହାର ସ୍ଫଷ୍ଟ କାରଣ ଜଣାପଡି ନଥିବା ବେଳେ ମାଛ ଗୁଡିକ ମରିଯାଇଥିବାରୁ ସ୍ଥାନୀୟ ଅଞ୍ଚଳରେ ଦୁର୍ଗନ୍ଧମୟ ପରିବେଶ ସୃଷ୍ଟି ହୋଇଛି । ଅନ୍ୟପଟେ ଏଥିନେଇ କୌଣସି ପଦକ୍ଷେପ ଗ୍ରହଣ କରିବାକୁ ପ୍ରଶାସନକୁ ଦାବି କରିଛନ୍ତି ସ୍ଥାନୀୟ ବାସିନ୍ଦା। ପୋଖରୀ ନିକଟରେ ସ୍ଥାନୀୟ ଅଞ୍ଚଳବାସୀଙ୍କ ସହ ଆଲୋଚନା କରିଥିଲେ ଆମ ବ୍ରହ୍ମପୁର ରିପୋର୍ଟର ସମୀର ଆଚାର୍ଯ୍ୟ ।

ବ୍ରହ୍ମପୁରରୁ ସମୀର କୁମାର ଆଚାର୍ଯ୍ୟ, ଇଟିଭି ଭାରତ